ပန်းတစ်ပွင့်ဒိုင်ယာရီ

အပိုင်း( ၉ )

အန်တီကအပင်လေးတွေစိုက်ရတာဝါသနာပါသည်။ဒါဒါ့တွင်တော့ထိုကဲ့သို့သော ဝါသနာမှာပါမလာ ...အန်တီတယုတယစိုက်ပျိုးအပ်သောအပင်လေးများထဲမှ တစ်ပင်လောက်ဖြစ်ခွင့်ရရင်ဘယ်လောက်များကောင်းလိုက်မလဲ။

အန်တီနှင့်ဒါဒါတို့၏စတင်ဆုံတွေ့မှုကိုစဥ်းစားခန်းဖွင့်မိ၏။ အန်တီကလျာ့တူမဖြစ်သော မမသက်သက်နှင့်ခင်မင်ရာမှဆုံခဲ့ရခြင်းဖြစ်သည်။မမသက်သက်ကဒါဒါ့ထက်သုံးနှစ်လောက်ကြီးသည်။
မမသက်သက်၏အဖေသည် ရှမ်းပြည်ကိုတာဝန်ကျသဖြင့်ပြောင်းလာရာမှ အိမ်နီးနားချင်းအဖြစ်မမသက်သက်နှင့်ခင်ကြသည်။

ဒါဒါမှာတစ်ဦးတည်းသောသမီးဖြစ်သောကြောင့်အပေါင်းအသင်းအလွန်မက်သည်။အိမ်နီးနားချင်းအဖြစ်ပြောင်းလာသောမမသက်သက်အား သူငယ်ချင်းလိုအမတစ်ယောက်လိုခင်မင်ရ၏။ကျောင်းတောင်မမသက်သက်တက်သည့်ကျောင်းကိုလိုက်ပြောင်းပြီးတက်သည်အထိခင်မင်ရသည်။

မမသက်သက်ဆယ်တန်းအောင်ပြီးရန်ကုန်၌ကျောင်းသွားတက်တော့ဒါဒါဝမ်းနည်းခဲ့ရသေးသည်။

သူကျောင်းပိတ်လို့အိမ်ပြန်လာမှနှစ်ယောက်ဆုံရ၏။..ဒါဒါဆယ်တန်းအောင်ပြီးမမသက်သက်ရှိရာရန်ကုန်မှာကျောင်းသွားတက်မည်လို့ဖေဖေ့ကိုပူဆာတော့ဖေဖေကခွင့်ပြုပေးတာမို့ရန်ကုန်ကိုရောက်ခဲ့သည်။

ဖေဖေရန်ကုန်ကိုလိုက်ပို့ရင်းအန်တီနှင့်တွေ့တော့မှ ဒါဒါ့မေမေနှင့်အန်တီကလျာတို့မှာကျောင်းတုန်းကသူငယ်ချင်းများဖြစ်နေသိကိုပါသိလိုက်ရသည်။

အန်တီကလဲသူငယ်ချင်းရဲ့သမီးဖြစ်သည့်အပြင်တူမဖြစ်သူနှင့်ပါငယ်ငယ်ထဲကခင်မင်လာသည့်ခလေးတစ်ယောက်မို့ သူမ၏အိမ်တွင်သာနေစေသည်။

လိုအပ်ချက်များစွာဖြင့်....