ماخفيت ضمائرهم

-3-

انته هم حس بـأذيتي بـ شـوغة گليبي عليك
ضعفي... خوفي... و ارتباكي
ما يهزن شـعره بيك

__________

فزيت من نومي الفجر والكتاب على صدري عدلته وكعدت صحصحت نفسي ورحت توضيت وصليت الفجر وصليت لامي وقريت قران

اشتاقيتله بجيت وتخيلته يمي

-يمه كليلي بيش اصبر روحي لو احتاجيتج وشلون راح اكدر اكمل
بعد وكت عفتينه بسرعه وانه بيه هواي سوالف الج
بعد عندي هواي وياج لحضات اعيشهه

بقيت ابجي واسولف واتخيلهه يمي تعبت ولميت سجادتي ورجعت لفراشي شوي ونمت كعدت الصبح لملمت البيت ونضفنا اني ودره واجت نبراس بت خالتي وغسلنه الفراش وفرشنه غيره لليل احنه انتهينه من التعب سويت جاي ورحت يم بابا كريم جان مشغل قران وصافن

-بابا شبيك

-مداستوعب بابا راحت
شكد جنه نتعارك ونتزاعل بس احبهه وادري هي ماجانت تحبني بس كلبي شلون اقنعه بعمرهه ماحسستني بحب ولو حنيه صح جانت زوجه صالحه وودوده بس كلبهه مو يمي

-بابا اني ماعرف شلون راح اكدر اكمل واتحمل بدونهه
خنكتني العبره وبجيت ماكدرت اكمل
حضني بابا ويبجي ويايه
شوي وسكتني

-باباتي اني يمكم ماعوفكم لاخر يوم بعمري مراح اعوفكم

-صعدت لغرفتي وفتحت الدفتر وكملت منين ماتوقفت..

شفته كدامي وتوقعت صدفه.

تقرب اتجاهي ووكف

-شلونج يبنيه

-هلوو

-تذكريني

-يي صديق ناصر موو

-انه اسمي حكيم

-اهلا وسهلا

-معرفت اسمج؟؟

-فيروز

-فعلا

-عفوا

-حمم حمم لا ماكو شيء

-من رخصتك وكفتي وياك بنص الشارع محلوه

-حقج يابه بس انه عندي حجايه وجاي من السماوه لهنا احجيهه عبن من اذا تبقى بكلبي اكثر اصبح رماد

-شنو!!

-عيونج

-شبيهن

-من ساعه شفتهن وضاعت علومي صار سبوعين ماضايك النوم

-انت شو متستحي شنو موكفني بنص الشارع وتحجي هيج عالاقل جان احترمت صداقتك ويه اخويه
شلون ناس بايعه المستحه

عفته ومشيت واني افور من العصبيه واني امشي  واكف ولد بالركن ذبلي حجي

-اياابه مو مره تفاح شامي