ماخفيت ضمائرهم

البارت-25-

ارد اكلك كلشي بعيونك خذاني
وارد فاهيه عيون البشر
من غير رسمك ارد اشمك
ورجع صغير واضمك
ارد اشمك وترس الدنيه ورد
انت يا اخر اغنيه اتيه مني وما ترد.
______________

احساس الامان الي احسه واني يمه يخلي كلبي مرتاح
دائما اشوفه الواكف بضهري ويرد عني

من تشوفين شخص الج سند وامان تحسين لو الدنيا كلهه توكف ضدج متخافين اكو الي يحارب علمودج ..

-شوفتج راحه لعيوني

-اختفت ضحكتي وحل محلهه خجل وارتباك
دنكت راسي وبيدي الحب كمت بسرعه

-اني طابه جوا
بسرعه طبيت وكعدت على جربايه
دكات كلبي بالدقيقه الف ..الدم صعد لوجهي
يربي شديصير بيه اني شلون بيه مداصيطر على كلبي
ولا اكدر ارجع ولا اكدر ابقه لا اكو طرق ولا مركبات تمشي
شلون احافظ على كلبي الراح ينباك مني
شسوي يربي هو يجذبني كلامه واسلوبه احسه حنيه ابوي
طبت عليه هاجر وامهه وسدت الباب

-السوته امج لا تعيدينه ترا مو لصالحج

-شنو قصدج السوته امي!!

-ليش ماتدرين خذت حكيم بيوم مهري وتالي صرت لواحد متزوج حته ماينكسر بختي وسمعتي

-بس امي مالهه ذنب ابوي الماجان رايدج من الاساس
وراح حته ميضلمج وياه

-عن يا ضلم تحجين اكثر من هذا العشته جبت عمري كله اثبت انه احسن من شريجتي سباق كضت حياتي

-هسه اني بهاي الكليشه كلهه شعليه شنو تردين مني

-تعوفين قائد ومالج شغل بيه قائد راح يصير رجل بتي سمعي كلامي ترا ادري اليدور ببالج وخوفج مني وانتي ماتدرين شلون اكدر ااذيج

-شقصدج تحركيني مثلا ؟؟

-بهت وجهه وخزرتني
كلشي توقعي مني لا تلعبين بالنار حته ماتلوحج

-عافني وطلعن صفنت بيهن
شكد حاقدات سبحان الله
كلوبهم متروسه غل وحقد
بس هو قائد حته ماجاب طاري زواجه من هاجر
وعمه تكول هو مايريده ومامنطي كلمه
معقوله هم يجبره جده وياخذه غصب عنه

ثاني يوم اتجنبت قائد وهو انتبه عليه
كاعده بلغرفه العب بالتلفون طب هو شايل حب بجيس ابيض ورقي

-شوفي شجبت يلا وين الجاي

-ها مامشتهيه شكرا

-شبيج مو على بعضج

-سكتت مجاوبته
طلع هو وره شوي واكفه يم عمتي اثرم الزلاطه وهي تسوي بالعشه هاجر تحضر وياهه
قائد طب للمطبخ
وكف يمي بحجه ياخذ خياره

-ها يمه جعت سوده عليه هس شواي ويكمل

-براحتج يمه لا بس عجبني خيار

-اني مو مثل عادتي بقيت ساكته وماباوعت عليه
مو خوف منهن بس ببالي غايه

متحمل شوي وصاحني ياقوت تعالي شوي بلا