ماخفيت ضمائرهم

-9-

والفَرَح طَر المدينة
وانطة للناس التِريدة
ودكدك البيبان كِلهة
ومن وِصلنة نشَلَت ايدة
آخ يا حِزنَك يكلبي
جَمرة..
مضمومة بجريدة.

_______

نخبصو الولد وراحو
واني اجذب لو كلت نقهرت عليه اصلا تشمتت بيه وفرحت ودعيت للضاربه 
نوب مناك ابويه وسامر مافاضه شغلتهم وصارت هاي يعني صارت شغلتين عليه

بعد مارجعو الولد للبيت سالتهم امي شنو الصار

-واحد كاضه بالشارع ولازمه مكسره

-ماعرفتو ليش عنده عداوه شيء

-لاا ويكول حته وجه الولد ماعرفه لان جان لاف غتره على وجهه فجأ طالعله من الفرع وبيده توثيه ومكسره

-هنا اني ربطت وشكيت بالسالفه انو حكيم وره الموضوع لان شافني وشاف وجهي اكيد سأل نواره وهي كايله اله
امي راحت لبيت عمي تكول عيب
والله عليش العيب ليش هو يعرف العيب
والله هاي حوبتي الصار بيه عساه بابو زايد

بيت الشيخ ضاحي.....

نار وشاعله بيتنه من ساعه الطلع من البيت حكيم
ابوي عاده امي وذب كل اللوم بيه عبن هي الي خلته يدرس ببغداد بعد ما خالي حول ببغداد
وهي ساكته عبن وجعه كلبهه على وحيدهه جبيره
وتعرف ابوي مايتنازل عن قراره وكلمته مثل السيف

وصار ابوي كل مايخش للدار يدخل لحجره امي يذمهه ويطلع اتمرضت امي ومامش احد ياخذه ويداويه
غير كريم اخوي الجبير بعد عيني هذا على كلبنه ويحبنه عكس البقيه مثل امهم ما تواطنه بعيشه الله

خذيناهه انه وكريم للطبيب وعفنه العيطه ورانه كابه
بين نسوان ناضم الي من يوم العرس لهل يوم البيت كابه بيه عيطه نسوانه والجديده نويره حبله
وبشيره شاده حزامهه عبن تخاف لا تجيبله الوليد
وهي عدهه بس بنيات 2

ردينه من الطبيب وتلكتنه ام كريم من باب

-عادينه لا تضلون يوميه بحجه الدغتور يارادين ويا رايحين استجنو شواي

-يمه رحمه لجدي ميلي خل ندش داخل

-دش يبن بطني دش وبالك على حرمه ابوك لا تطيح

-خليت امي بحجرته وتشكرت من كريم اخوي

-ييعد عيوني اغديلك فدوات ماتغصر يالطيب

-افا بعد اخوج جا هي غير بحسبه امي وانتي اخيتي الحنينه تعاي احبن راسج

-يمه اغدي لطولك يخوي عبن اشمن بيك رويحه حكيم مت عيني عليه

-اااخ ياحكيم كلبي ايتلوه عليه لزوم اروحن واشوف وين اراضيه وشلونه

-مت عيني عليه كلبي غادي عطاب عليه
دانتحجه وسمعنه عيطه طلعنه من حجره امي لن بشيره ونويره غاديات من الروس
عاط بيهن كريم