ماخفيت ضمائرهم

البارت الاخير

انه من شفتك گبالي
عفت كل ناسي ورايه
انتَ عندي مو فقط
واحد هوايه
وحدي يمك للنهايه
منين ما تندار احبك

____________
الكل ضغط عليه وحسسو هو ضلم حكيم
واول مره الكل ينتفض ضد قراره اول مره يواجهو بحقيقته
رفع راسه وكلهم

-اخذ الي تريده بس
خيبت ضني بيك لا اتدخل بفرحك ولا اوكف بعرسك
.سوي الي تريده انه انت تهمني وبس لجن لا تتصور انه راضي

-الكل فرح واني اولهم .
بس قائد جانت فرحته ناقصه
هو كلش يحب جده متعلق بيه لدرجه كلش جبيره
صاحني عمي كريم وباسني براسي وكلي بالقرار

-بويه مادامج هنا شرايج نعقدلكم ونفضهه

-عمو اني ولا زغرا بيك .بس عندي اب
من حقه يفرح بيه وتخطبوني من بيته
هو تعب ويانه ووفرلنه احسن حياه بعمره ماحسسنه غير بناته جان الاب الاحن بالدنيا كلهه علينه
طلبي الوحيد هو تاخذوني من بيته يستاهل يفرح بيه

-هاهي بويه يجرالج يصير خير اصيله انتي

قررنه نرجع بس كالو بعد يومين كعده العشيره مال شغلتي وي عمار
بقينه عاد بيومهه بقيت كاعده بغرفه عمتي وباب الغرفه مفتوح شفت نويره تعاتب بقائد بالصاله

-هيج تكسر كلب بت عمك وتبدلهه بوحده باعتك جم مره

-عمه نور الدتسوي عيب انتي جبيره والج قدرج واحترامج لا تصغرين بنتج هاجر انه اعزهه واحترمهه
بس ماشوفه غير اختي .واوعدهه انه وياهه سند واخ وشتحتاج لا تقصر سحب هاجر من راسهه باسهه
وهي بجت وطلعت

انقهرت عليهه خطيه مو ذنبهه خلو بباله
قائد الج وانتي لقائد نزرعت براسهه هاي الفكره
وترسخت بيهه وبنت احلام عليهه وفجاه تنصدم بواقع ثاني .مو ذنبهه ذنب جدهه هو الي يتحكم بحياتهم وهم مثل الدمى بيده يقرر عنهم مصيرهم هاي النتيجه
نكسر كلبهه وخابت امالهه

بليل راسلني قائد

-خايف منج بودي هسه اعقد عليج

-ليش خايف

-ماتتامنين باجر تغيرين رايج

-لا ماغير اطمئن قائد عفيه لا تبقه تحسسني انت خايف مني .الي راح انسى واني وعدتك ماعوفك بعد

-احبج انه

-واني احبك هوااي

-ترحين للحديقه

-لااا

-شويه بس

-لا ماكدر بعدين تعال صدك

-يابويه شكوو

-شلون تبوس هاجر تدري متت اني من القهر والغيره

-الموت يصيب كلبي ولا يصيبج قهر وغيره بسببي
بس انه ياقوت مقهور عليهه كلش احس انه السبب بكسر كلبهه