ماخفيت ضمائرهم

البارت-34-

.: أمِس مارحت عن بالي !
أمس وي كلشي كمت
ألكاك
بضحكتي ، بدمعي
بخيالي
أمس لو جايني چتال !
أصحين هلا بچتالي

______<<<<>>>>_________

لا تنسون التعليق بين الفقرات ...
لا تبخلون عليه بالنجمه.....

قرائه ممتعه

___________

الصدمه احتلتني والاسئله تدور براسي .... شجابه منين عرف شلون اجه عيوني راحت على دره

باوعت عليه هي والتفتت بفرح لقائد

-السلام عليكم حجي بلا زحمه من كاعدين وتخطبون
انتو اخذتو راينه سالتونه ترا احنه اهلهه والبت بتنه
وخافن مغصوبه متهدده

-ابني انه ما خالكم ورايه بس الكعده جانت ناخذ راي البنيه واتصل بيك وانطيكم خبر

-التفت وباوع بالارجاء وعينه على عمار الي صار ليمونه ورجع التفت عليه

-ياقوت تعالي شوي كال هيج وطلع للطرمه ..

-كمت وراه طلعت بالطرمه واكف وايده على خصره
التفت عليه

-شدا يصير هنااا

-مثل مدتشوف خطوبه

-هاي المهزله هسه تنهيهه لاانه اطب بنفسي

-ليش شعليك انت شهور صار لا متدخله بحياتك ولا متدخل شتريد توكف بوجه حياتي ومستقبلي
شهور وانت مافكرت ترفع تلفون وتسال عني هسه جاي من حسيت راح اشوف حياتي بكل وقاحه وانانيه تريد انهي كلشي

-انتي شرايده
مو انتي نهيتي كلشي .وتطالبيتي انه ابادر
شني بويه تعلمتي اتوسل

-هسه شنووو تريد

-هاي اللهوصه الجوه تخلص

-وره متخلص شنووو الراح يصير هااا جدك راح يصفكلك من تكله اخذ ياقوت لو شنوو

-كتلج موضوع جدي انه احله

-هه قائد انت تبنج بيه لو تسكت بيه
انت واني ندري مراح يخليك تاخذني
لا اتعبني ولا اتعبك اني ماريددك بعد افهم واتقبل الواقع
صدكني ماريدك وعشرتك نسيته والدليل اني موافقه على الخطوبه بكل فرح ..لا توكف بطريقي وشوف حياتك

عفته وطبيت وكعدت

-احم بابا اني موافقه
وي كلمتي قائد مصدوم وعيونه نكلبت حمر عصر ايده حيل

-قائد ابني هاي سمعت موافقه البنيه بعد البنيه اجت قسمته خوما نوكف بطريقهه شتكول ابو رضا

-بيهه الخير حجي بيهه الخير
حجه اخر كلمتين وطلع

-هوسه وحجي ويخططون واني شارده بفكري
شنو راح يصير هسه .هاهي راح قائد بعد ماله مكان بحياتي معقوله
راح اكدر اتحمل لو راح يخوني كلبي ويفكر بيه واني باسم غيره تعب عقلي من التفكير لحد مراحو اني منتهيه واصلا عقلي مو يمهم ابد