ماخفيت ضمائرهم

البارت -29-

... زعلان بس الكلب
مايقبل النسيان
زعلان بس الصدك
ماريد اضل زعلان
راضيني خليني احس
عندك مهم
ما اريد اضل تعبان
__________<<<>>>________

لا تنسون التعليق بين الفقرات ✨✨
لا تبخلون عليه بالتصويت ✨✨
_____________________

داحجي وي حسين وابويه يمي اجاني صوته

-السلام عليكم

-التفتت قائد جاي تقرب يمي وكف ىسلم على ابويه وعلى حسين

التفت عليه بس جان وجهه ميكصه الطبر

-هاا شلونج

-هزيت راسي

-شصار

-بعد هسه طبينه

-مسح على شاربه ،،ان شاء الله خير

رد حسين

-لا تخافون ان شاء الله هسه نفتهم من الضابط ونحلهه

-تمام ان شاء الله

-قائد واكف مثل البركان على ساعه ينفجر يستغفر وينافخ ويخزر بحسين وعينه عليه
متحمل بعد سحبني على صفحه

-اني مو كتلج لا تتصرفين بكيفج
شنو هذا السويتي انتي شنو مالج احترام لاحد شجابه هذا هنااا

-هاي شبيك قائد دتشوف اني بوضع يختلف
يعني مال غيره هسه هو ضابط اكيد يكدر يساعدني
يعني متستوجب هذا الدتسوي انت مدتشوف حالتي

-انه مو كتلج انه اتصرف ...جاووبي

-قائد اترجاك بعدين نحجي قدر وضعي

عفته ووكفت على صفحه دخلنه للضابط وحسين كعد يستفسر ويكلب باوراق الدعوه

-الدعوه اجتنه من صاحبه مركز
انتي راسله الهه رسائل من رقمج ومهددته

-اني سيدي حته ماداخله مراكز

-هذا رقم جبنا من الشركه مسجل باسمج
ياقوت كريم جواد ..
هذا مو رقمج

-اخذت الورقه وباوعت الرقم
سيدي هذا الرقم قديم

-بس مسجل باسمج

-يي سيدي هو رقمي القديم اكيد باسمي مغيرته من 4سنوات

-وينه الرقم

-كاسرته سيدي

-بس شنو السبب كاسرته

-سيدي من جنت طالبه كليه
جان اكو زميل وياي بس بغير مرحله حصل رقمي وصار يضايقني
كل ما احضره يجيني من رقم جديد تالي بلغت عليه عد العميد وكسرت رقمي وذبيته وجبت جديد

-الرقم ما حركتي عد الشركه

-لا سيدي بس كسرته

-انتي تدرين هاي السالفه شكد راحت بيهه عالم الي يغير رقمه وميحركه بالشركه شلون عواقبهه