ماخفيت ضمائرهم

البارت-23-

ومَدري شگد حِزن روحّك ولا ينعَد
وهذاك أنت
الغَريب المَنسي المفرهّد
ابو دميعّه الحَنين الماوگفلهَ أحَد .
.___________

احس الرهبه تسري بجسمي ..
منضرهم مهيب واكفين شامخين عيونهم متشخصه منتضرين احجي

-اني طالبه اشوف الشيخ

جاوبني واحد
-تفضلي خويه هنا بالديوانيه وهسه يجيج

طببوني من باب خشب جبير دخلت للديوانيه استقبال جبير كلش واثاثه يخبل ومعطر ومبخر كعدت عالتخم وعيوني تترقب دخلت مره جبيره كلش كوه تمشي

-ياهلا وسهلا تفضلي
خمنت هاي ام كريم

نوب دخلو الولد الجانو بالمضيف دخل رجال جبير وقور وجهه سمح مدنك راسه وسلم

-السلام عليكم حياج الله بنيتي تفضلي بويه

-شيخ جايه على الله وعليك

-ركابنه سداده امري بويه

-الي حق ورايده ارجعه
عندي اهل ورايده اذكرهم بينه خاف نسونه
عندي اب بس مانسوبه اله

كلهه صافنه مستغربه كلامي اله هو رجفت ايده بالعصاة مالته ودنك راسه باسى ويهز بيه

-نزلت دمعتي مسحته بسرعه واني اكمل
اني بنت حكيم ...
الي نكرتو بناته وخليتوهن يكبرن ويربن عند غريب

الكل انصاب بذهول وواحد يباع على واحد
من بيت صمتهم وبسبسه النسوان

رفعت راسي على شهكه لمحتهه
عمتي فاطمه تقربت مني وهي تبجي

-عمه فاطمه

-يابعد عمتج اااخ ياحكيم
عله صوت بجيهه وصارت تنحب حضنتني حييل وتشم بيه وتصيح ياحكيم ياخويه

حاضنتهه وشفت طببو بالعربانه وخرت من عمتي ووكفت كدامه

-ها يا شيخ
اني حفيدتك الي نكرتنه وتبريت من عدنه
وخليت اسم ابنك يندفن وياه ومايضل اله وجود
قطعت كل شيء يحيي ذكرى حكيم
بس ياترى انت مرتاح
ضميرك مرتاح
راضي على السويته

-مثل ابوج توكفين بالوجه

-هه ومو بس هيج مثل ابوي مارضى عالباطل

-شعندج جايه امج زتتج

-امي ماتت شيخ وضلينه عد رجال غريب
بس تدري شنو
هذا الغريب صار النه احن اب بالدنيا
بالوكت الانت نكرتنه وتخليت عنه وتبريت

هاي اني كدامك ياقوت بت حكيم
التفتت على صوت الرجال الجبير الثاني

-تعالي يابعد عمج تعالي ياريحه الغالي انه عمج كريم

-واكفه بمكاني ماكدر اروح عليه
كلي جدي ليش جيتي بهل وكت ...

-جيت اخذ اسم ابويه
هذا اقل شيء احققه اله واثبت اسمه واحيي