ماخفيت ضمائرهم

البارت-18-

مـدري يـاهو الـ باگ ليـلي،
وضـلت أحلامي عرايـة.
ومـدري.. ياحـسبة الـ ـخذتني،
وعفت وجهي أعلى المراية❤️‍🩹

_______<<<<>>>>______

واكفه بمچاني واتنوع على الهوسات والزفه
ايدهه بايده تكودهه وعيونهه علي تندار

عفيه عيني شكد كويه وصلفه
كدرت اوكف واتنوع عليهم واشوف الفرحه بيهم
فد محد شاف الحزن مخيم بعيوني مابينت
چني جبل شامخ مابينت كسري
فد داخلي بركان لو ينهار يحرك الموجودين كلهم
بس لا عفتهم لالله عبن حكي هو ياخذه الي

طلعو وجرو شريان من كلبي وياهم
جن سحبو روحي وخلوهه معلكه
مثل طير المذبوح

هنا انه استسلمت عيني وخانتني دمعه طاحت على ضماد وجهي
طبيت لحجرتي وعيني عالسمه اول مره اتمنى مايجي الليل ..شلون ينسد عليهم باب وحيدهم
لهناك والمح الجو غورب وطلعت نجمه تلالي
فززت شكو بروحي
لجمت كل سواليفي
جنت اناطر الليل يجي خاطر اسهر واتحلم وابني احلامي وياه لحد مايلوحني النوم وهو صورته ماتفارك خيالي

اليوم الليل عدوي وچتالي ..

لهنااك واسمع هلهوله وكلمه بالمبارك شيخ بياض بنتك بيدي ..
عصرني كلبي وجنه رايد يطلع من صدري
عرفت العرس كمل وصارت مرته

زين وانه مو لازم هذا مجاني وفرحتي
شلون كدرو يبوكونهه وين يرحون منك ياالله العالمين انت المنتقم القوي
اريدن اشوف الحك مربع منك .

_____
اكو انسان يطفيك ..
واكو انسان ينتشلك من الضلمه الى النور .

بالضبط مثل الصار ويايه
جنت رافضه فكره الارتباط رافضه الحب
اخاف اجازف بنفسي مره ثانيه
حجي امهاتنه قبل يكول

الماله قسمه بالاول ماله بالتالي ..
وانه جنت ماشيه على هذا الكلام

بس بعد ماشفت اصرار حازم واصراره عليه انولد بداخلي احساس حسسني اني الحياه ماتوقفت عندي مثل ماتصور عقلي
هذا كلبي صار يدك وينبض ويشعر

حازم ماراد حب وعلاقه ويطول السالفه
بسرعه اصر انو يكون كلشي رسمي
جنت متردده شلون افاتح اهلي بالموضوع

كاعده بالحوش وكت المغربيه وطافيه الكهرباء امي تشرب جايهه

-يمه عندي وياج سالفه بس شوي محرجه منج

-خير ان شالله يمه كولي

-يمه اكو شخص يريد يتقدملي

-يمه منو هذا الشخص ومنين يعرفج

-هاا شوفي يمه هو اول مره شفته جان......

حجيت لامي كلشي

-والله يايمه انه شفايتلي اشوفج مرتاحه وسعيده
بس ابوج اخوتج راح يرضون من يسمعون
يرضون تزوجين مره ثانيه وعندج بنيات الناس تاكل وجهنه
راح يكولون اطلكت من ابن عمهه علمود تاخذ الزنكيل
بينه حيل لحجي العالم