ماخفيت ضمائرهم

البارت-26-

.: شَحجي وشَعلم بّعد
هوة الوفِة شمرة
اشقابض من الشكل
هذا انتة وجهك حلو
بس عشرتك مرة
__________
ملاحضه ...كلمه (دوب )يعني ابد (عز الله )يعني مثل الحلفان تستخدم عدهم

ضلمه الدنيا والجو حار ليل هندس امشي بين الكيعان والبساتين مادري وين الوجهه بس اريد اخلص نفسي

هاجر ساعدتني وطلعتني وكالت لا تطلعين من الطريق الكدام ترا يشوفوج طلعي من صفحه البستان وامشي ومناك تطلعين من ذاك الصوب واخذي سياره وطلعي

والله اني ماجذبت خبر
لبست صايه منهه وحجاب اخذت جنطه الصغيره بس وطلعت عفت كلشي من هدوم وغراض ماكدر احير بيهن
طلعت من ضهر البستان وامشي حته لايت التلفون ماكدر افتحه امشي بسرعه واتلفت ضلام دامس خفت يطلعلي حيوان جلب حيه
اعبر بين البساتين المنطقه الي طلعت منهه ماكو شارع عام بس كيعان وبساتين وافرع ضيكه امشي وطاقتي خلصت احس ..خاصرتي كامت تصل عليه بسبب الركض
كعدت على نخله مكصوصه اسحب النفس ابتعدت هوااي عن البيت مثل كانو عبرت منطقه كامله

ارتاحيت شوي وكملت مشي
تهت ماعرف منين اطلع وين اروح
مافكرت بساعتهه كل الي اعرفه وفكرت بيه اخلص روحي منهم
طلع خيط النهار وشفت سياره بيكم تمشي اشرت عليهه
رجال جبير

-امري بويه

-عمي الله يخليك بس طلعني من هاي منطقه تكدر

-بويه انه رايح لهلنه منين انتي

-من بغداد واريد ارجع لبغداد

-خويه بعيد منا الطريج شبيج جنج خايفه

-عمو عفيه تكدر تطلعني لو لا بس طلعني من هاي المنطقه يلزموني اذا بقيت

-انه رايح لهلنه بالصحرا تمشين وياي هناك مامش احد يوصل

-طلعت وياه بسرعه
الرجال مبين فقير حته يحجي وياي مدنك

-شبيج بعد عمج شعلومج طالعه بهل فجر جنج شارده
كونج شارده من اهلج

-عمي اني مشارده من اهلي بس رحت لعالم بشغله
وحاولو يأذوني

-يابوي غير تديرين بالج وشلون خلوج اهلج تجين بحدج الدنيا موش امان الناس تخوف

-بجيت واحس مكسور كلبي على نفسي
شلون انضحك عليه
واني الغبيه شلون صدكت كلامه واهتمامه
نسيت هو منو وجده منو
اخ ياقوت شلون وكعتي روحج بورطه

-هس بويه ساعه زمان ونوصل وارتاحي
انه عدي بنوات بحلج

-وين عايشين عمو لهجتكم شوي صعبه

-احنه الباديه بويه رحاله

-عايشين هناك يعني

-يي هناك مسكنه ونرحل من مچان لمچان وين ماكو عشب نحط ونكعد يخلص نلم رحالنه ونمش
وانه جنت جاي للولايه علمود چم غرض عدنه عرس اليوم وهل شفتج بطريجي