ماخفيت ضمائرهم

البارت-16-

أخَذني بكُلشي مابّيعَك
أخَذني مِن التعَبَ يّمك
جكَاره بجَفك أشعلنِي
أموت بسّد أصابيعك
أخَذني وياك مِن عنِدي
أخَذني لأي حلم أرتاح
مو شرط حلم وردي

______<<<<>>>>______

ياقوت اجت بالوقت المناسب
صارت محبوبه ومعشوقه ابوهه يسولف وياهه
ويحجيلهه عن امه واخته وحنيتهه
وكأنو تسمعه وتفهمه ولا عبالك عمرهه ايام
حكيم هواي تأذى على امه نفسيته تدمرت
همل روحه وهملني
واني عاذرته حقه الي راحت امه وراحت وهو بحسرت شوفتهه وهي بحسرته

كل اسبوع يروح مرتين للمقبره
يرجع منهار حيل
بعد ماطلعت الاربعين اصرو عليه جماعته يزين لحيته
وزين ورجع للبيت

واني هم طلعت اربعين بنتي بنفس اليوم

-نعيما حبيبي طالع تخبل

ابتسملي يتعب وفتح ايده
اخذني بحضنه ويشم بشعري

-ادري مقصر وياج وانتي صابره ومتحملتني
فيروز انه كل يوم اتاكد انتي الصح بكل حياتي
انتي الراحه التجي بعد عمر من التعب والمشقه

حيل ارتاح بسدج ..

صرتيلي اهل يوم الشفتيني وحيد
صرتيلي وطن يوم شفتي الغربه بعيوني
صرتيلي ام من شفتي محتاج حضن امي

الله يقدرني وينطيني عمر وادللج وماقصر وياج

-اكولك شو داحس جسمي ديحوكني

-هاا نسيت انه مزين وحضنتج اندمرتي شعر
ممم صار لازمج سبح البت نايمه ؟؟

-دنكت راسي بخجل وكتله نايمه

-چا تعاي

—
فاطمه

كسرتي جبيره حيل
وضهري نحنه وعيوني شابخه على الدرب
هلبت يطلع حلم كله واكعد واشوف امي بذاك الحيل وحكيم يدش ويندهلي فطم
ياهو ضل اليه ..
..
الليل ياوحشته من يمر
والصبح غبشته مثل المر
فراشهه فارغ
يمه المن عفتيني يمه بيمن وصيتي عليه يمه

اون وابجي يوميه على حالي والجرى عليه

نوبه اكولن كون عمري بساع يخلص
المن ضاله ياهو اليسال على حوالي
خويه وينك حكيم
فطيم دولبهه الزمن جن طالبهه ثار مدري خلص ثارج لو بعد عدج يمي

بيوم كاعده من غبشه ورحت اتفكد البستان صاير بضهر البيت
احب ريحته من الغبش
اتمشى بيه اتفكد الزرع

-فطيم

-التفتت وكلبي انعصر من مصدر الصوت

شجابك صالح وشذكرك بيه

-شذكرني شني ضنج ناسيج