ماخفيت ضمائرهم

البارت-21-

مريت باماكنا وعشت
ايامنه وكلت الله!
هنا تسامرنا وضحكنا
هنا حزنا وتوادعنا وبجينا
وهنا من كلت الله يعوضنا
وبمثلنا ماتعوضنا
وجن مدري شنو تمشى على خدودي
واشتاقيتلك
وحسيت الدنيا صغرت
وبس بيها احنه
ولا لكيت الي يشبهك ولا رجعنه

____________
عيوني افتحت حيل واني اشوف كدامي

بثينه!!!
واكفه على بلوكات وكدامهه ولد تضحك وياه والولد شكله كانو مجرم شعرن عكش وعنده جبين عالي
وضعيف
بينهم حايط الي يفصل بين الجوارين
اتقرب وخلى ايدي بداخل دشداشتهه

ضحكت هي وتمايلت عود خجلت نوب طلعت من صدرهه فلوس وانطته ضحك بوجهه وباسهه

ماتحملت المنضر لعبت نفسي وصعدت بسرعه وكلبي يرجف احس اني خجلانه من نفسي بسبب الوضع

صابتني لويه ببطني من هول المنضر لفيت راسي وبقيت افكر اريد اطرد الصوره من عقلي ماكو متطلع طبعت

لهناك وحسيت انفتح باب الغرفه فزيت التفتت كريم اجه

-ها نايمه

-عدلت كعدتي
لا بس مدده

-تعالو بابا شوف شجبت الكم اني

-فتح علاكه جايب الهن حلويات ولعابات فرحن وكامن يصفكن

وين بوستي يلا بوسوني
تقربن باسنه بفرحه وهو بادلهن

-فيروز بعدج ضايجه مني

-سكتت ماجاوبت شنو اجاوب
اذا اني ضايجه من روحي حته

-ادري الموضوع اجباري عنج صار
بس مو بيدي ماكدرت اقاوم جمالج

خلا ايده على وجهي
بعدته بسرعه

-شعرج ليش كصيتي !!

-جان حكيم يحبه كصيته حته محد يلزمه غيره
عالاقل احافظ على شيء هو جان حابه

-ملاحضه دتحجين برجال ثاني بوجودي

-هاي نتيجه الي ياخذ وحده كلبهه يم غيره

-بس هو ميت الله يرحمه بعد

-اذا ميت مو من حقك تحاسبني على حبي اله لو حته هاي تاخذوهه مني

-الله كريم الايام كفيله تنسي كلشي

-بس مو حكيم الي ينسي
عافني وطلع رجع نوب سابح
كريم يشتغل فيتر سيارات

-نزلت العصر مالي قابليه اباع على بثينه روحي كاشه منهه

-هلا عيني نزلتي يالعروس

-اباع عليهه بدون جواب

-اكلج عمه اريد اروح ازور عامر كلبي طاك عليه

-التفتت بدهشه عليهه حته هي انتبهتلي

-شبيج شنو مصدومه
ماجنتي تزورين زوجج المرحوم
ولو انتي ماصدكتي جاج عريس كبل قبلتي