ماخفيت ضمائرهم

البارت -30-

أمِس مارحت عن بالي !
أمس وي كلشي كمت
ألكاك
بضحكتي ، بدمعي
بخيالي
أمس لو جايني چتال !
أصيـحـن هلا بچتالي.

________<<<<>>>>_________

لا تنسون التعليق بين الفقرات ✨
لاتبخلون عليه بالنجمه✨

بارت هديه لعيونكم ♥️🌹
__________________

على الصوت ركضنه كلنه شفنه عمه تعيط وتلطم يم باب الحمام ونرجس تبجي ونويره كاعده وتجر

طبيت بسرعه شفت هاجر

هاي شمسويه بروحهه ايدهه مذبوحه والدم يجري مثل الذبيحه
وفاقده
بسرعه التفتت جريت الشال من امهه وربطت ايدهه

قائد بسرعه اخذوهه نازفه هواي

خبصه البيت والعياط وجدي يصيح شالهه قائد وعلي شغل السياره
صاحني ياقوت صعدي وياانه نحتاجج بسرعه طوني عبايه لبسته
صعدت وامهه يمهه واني رافعه ايدهه وضابه على الجرح حيل

قائد استعجل هواي نزفت

-علللي بسرعه يمعود

-ادري اطير راح نندعم شسوق بعد

-امهه تبجي بحركه قويه وتبوس بيهه وهي فاقده

-وصلنه بسرعه شالهه قائد ويركض بيهه اتلكوهه الطوارئ واخذوهه بسرعه للعمليات طببووه

واكفين احنه بعدنه بالصدمه
قائد ايدي على خصره وقميصه دم واني ايدي دم

اباع على ايدي صافنه ..

شلون لو ماتت. رادت تموت روحهه علمود قائد
شنو موقف قائد هسه شنو الراح يصير
ياربي بس خل تطلع سلامات وشيصير خيصير

طلعو كالو نريد بطلين دم

بسرعه الولد راحو امهه تبجي وايده على راسهه
اسمعه تحجي

-ليش يمه المن تخسرين روحج هجوره يمه
ليش توجعين كلبي عليج يمه

-بجيت احس الصار غلط كله
علاقتي بقائد غلط وحبي غلط
اذا صار بيهه شيء اني راح اشيل ذنبهه

اجه قائد وعلي متبرعين بالدم

بقينه ننتضر نص ساعه واجه عمي ناضم
بهاللحضه طلع الدكتور

الحمد لله على السلامه خيطنه الشريان ووقفنه النزيف
المريضه فقدم دم هوايه راح نخليهه تحت المراقبه 24ساعه

راح الدكتور وكال عمي

-احجولي شصار. شبيهه

-بنتك كصت ايدهه ناضم رادت تنتحر مت عيني عليهه

-ليييش غير افتهم

-من وره العينتين
يكول ماتزوجهه وتعارك وي ابوك
وهي سمعت وماتحملت الحجي

-عمممه مو وكتج هسه

-قائد صدك الحجي هذا

-عمي بعدين نحجي هسه مو وكتهه