ماخفيت ضمائرهم

-5-

.
رحتلها وشفتها وروح حضنت روح
الحقيقة ويا الحلم واثنينهن طبگن
العيون استراحن هودن بالشوف
والكلوب التقن وبشوكنا احترگن
بس اشجار يمنه وخفنا بيها عيون
خاف تشوفنا ولحظاتنة يغرگن

#سمير_صبيح
___________

نزلت واني عالدرج اسمع صوتهه سويت الدرج بايتين
بثينه عدنه
شجابهه بهل ليل والساعه عبرت ال11

-شجابج

-هلا حبيبتي ياقوته تعاي امي

-استغربتهه وتصرفهه ابد مو منطقي هي اصلا متطيقنه بالعسل نعرفهه

-مكتيلي شجابج؟؟

-والله كلبي منطاني ماجي اشوف شمحتاجين اني هم بمقام خالتكم والي صار بالفاتحه اني عاذرتج عليه محترك كلبج حقج مو هينه والله اااخ فيروز بساع ستعجلتي على الروحه

-سبحان الله الانسان المنافق والكذاب تبين بملامحه ديكذب كانو ينكتب على جبينه هذا منافق

بقيت ساكته ماجاوبتهه ودره سوت جاي وقدمته
بثينه جايه هي وابنهه الجبير رعد نسخه امه سبحان الله ثنينهم نفس الطينه

رعد يحب دره عيونه فاضحته واعترف الهه بس هي صدته ماتحبه

اباع عليه يدور منهه النضره وهي ولا معبرته
جانت امي من يجي متخلي دره تطلع تكول عينه نكسه

كاعده بثينه بعد ما كانت متطب لبيتنه وعيونهه تتفحص البيت والاثاث وكلشي بقت ساعه وراحت

-حبيبتي ياقوته عماتي شنو تحتاجين لتترددين ميردج اله لسانج اطبخلكم واجي يمكم اساعدكم بس كليلي انتو صرتو مسووليتنه

-باوعت عليهه وعيوني ركزت بعيونهه كانو داكولهه
اعرفج زين ماحاجه تمثلين

-صفنت على نضرتي ودارت وجهه وطلعو سد الباب بابا وقفل البوب

-انه رايح ارتاح باباتي انتن هم نامن لتبقن كاعدات

صعدت واني افكر ببثينه وطبتهه علينه نمت وكعدت الصبح الناس تجي بس قليل موًمثل الاول
خالاتي يجن يشوفنه هم كلمن ملتهي ببيته وعائلته

كلت فد كم يوم وارجع للمختبر ابد ماعرف لكعده البيت
الحزن ماخذ المساحه الكبيره بحياتنه ذكرياتهه بالبيت
صوتهه باذانه بس اني متصبره اكثر من دره
لان احسهه موجوده بالدفتر صارت روحي بهل دفتر
احسهه تسولفلي هيه صار عندي الفضول اعرف كل تفصيله
امي بطبعهه كتومه احنه بناته منعرف شيء عن حياتهه السابقه من جنه نسالهه عن بدايه شبابهه ماكانت تنطي جواب او شلون تزوجت هم كانت تكتفي بالسكوت او تغير الحديث احسهه مثل البير جوا اسرار بس الي يتعمق بيه ويدخله راح يعرفه
واني ناويه اتعمق بهالبير واعرف كل خباياه

..
مشت امتحاناتي وقبل الامتحان الاخير شفته واكف بنفس هيبته وطلته رجف كلبي واني اشوف نضراته عليه متشخصه رجليه اخذتني عليه بدون مانتبه لروحي لكيت روحي واكفه كدامه وضفيرتي صفح وكتابي بيدي
باوع عليه وتنهد ومد ايده طلع ورقه مطبكه وقدمهه كدامي