ماخفيت ضمائرهم

-12-

لخاطرهه اكشخ وأجي
وتكلي
المرتب، وشلبس تكلي حلو
يا بعد هذا وهذن
حجيج شكد ينحب
حنينه تصب الدمع لو يوم اتمرض
ولمن كعدنه سوه كتله هسه بده يكعد وياي الحظ
____________\\\\___________

عيني على جف ايدي اعاين للحلقه واحس روحي بحلم
مامصدك صارت الي مرتي حلالي البعت الدنيا والبيهه الخاطرهه ..
شكثر جنت خايف اخسره وماحضى بيهه
ااخ لو موجوده يمه چا شفتي فرحتي بعيني وتفرحيلي
تهوسيلي وتصفكيلي اعاين على الوجوه ادورج بيهم
لجن ماشفت صورتج
خلصت الليل فرحان واهاجس روحي مغتاضه بنفس الساعه هذا انه
كل ليله الحنين يطوف يم بابي ويذكرني بهلي وناسي
كل يوم ينعاد علي شريط الذكريات جن فلم واشوفه براسي

-ايامنه تمر مثل الخيل تركض سريعه واحنه موش شايفين دربنه صالح مابين منه خبر لساع
وانه رويحتي تحن علي
اكولن ربي ليش هيج بدون خلك الله بلاني بعشك
واحد بعيد عن عيني لجن مزروع بوسط روحي
اناطر يمته يجمعنه سكف واحد واصير حلاله

اجانه خبر من خالي ببغداد حكيم ملچ على البت اليحبهه
يادهر انسبينه واتجيرنه
مت عيني امي الواكعه بيهه دش عليهه ابوي مثل البارود
مانسمع بس الغلط والمسبه واللوم وماحد بينه يكدر يدش ويتدخل هذا كله واشوف الشماته بعيون مرت ابوي
فرفحت عليهه وروحي انسحنت مابيدي شيء اسوي
وين وطلع ابوي من حجره امي وحاله حال
دشيت اركض عليهه وشفته كاعده بمجانهه ومدنجه راسه رفعت ايدهه مسحت دمعه نزلت على خدهه وخلت راسهه على فراشهه دارت نفسه وتغطت

كل هذا وانه ساكته
بقيت يم راسهه مت عيني مهضومه عليهه
لليل وغفيت حسيت بونين رفعت راسي واتقربت يم امي
صوت ونين من عدهه بساع كمت فتحت الكهرب ولن اشوفه حلكهه رايح غاد معووج وعيونه مليانه دموع تنزل وتطلع غيرهه عيونهه علي وتون وانه بمجاني
متبسمره من صدمه الموقف تاشرلي بعيونهه تنزل عينهه
حسيت على روحي ورحت عليهه بساع كفيت الغطى
واشوف فراشه مبلل عيوني جحضت ورجفه صابت جسمي ماريدن اصدك الي يكوله عقلي
رفعت ايدهه ثكيله هديتهه نزلت بساع
بجيت بصوت مسموع اجو علي كريم ومرت ابوي ومرت كريم يركضون بساع غطيت البلل ماريد اخليهه بهيج موقف صاحو شبيهه

-امي امي نشلت مثل حبوبتي حجيته وكتمت صوت بجيتي بايدي ديتققرب كريم بساع وخرته

-خوي بس شويه وتعال ادخل
طلع كريم وانه متردده من مرت ابوي ماريدن يشوفوه بهاي الحال يصعب علي حالهه جدامهم

همست لمرت كريم فوزيه تطلعلي ثوب من البوفيه
بساع طلعتلي وانه واكفه وغطيه على مرت ابوي اريد ارفعه ثكيله ماكدر اجت فوزيه تعاوني عرفت شني الصاير بساع لتفتت على مرت ابوي

-عمه شني كعدتج وجهج اصفر صار مت عيني روحي رتاحي لايكعد عمي الشيخ ويتفكدج واحنه مامريده يعرف لايضل باله وهو تعبان