ماخفيت ضمائرهم

البارت-27-

چَنت أظِنك غيّر عنهُم ..
چَنت أظِنك تَوگف بوجَة الوّكت
چَنت أظِنك تَحرگ إلدنيّا
وأهَلها لعيّني
چَنت أظُن!
ياريَت أبّد مَا چِنت أظِن

____________

ضاق صدري من القهر ...
احس روحي بدوامه شنو اني ضالمه لو مضلومه ..
السويته شنو صح لو غلط

دخت من التفكير شلت التلفون واتصلت بعمه فاطمه شوي وجاوبت

-الو هلو عمه

-ياقوت ليش هيج يمه

-عمه عفيه اترجاج لا تبلشين بيه

-حركتي كلوبنه وصدمتينه

-مجبوره عمه والله

-ليش عمه اذيناج جرحناج طلع من عدنه شيء موزين

-عمه شوفي راح احجيلج
هاجر كلتلي قائد وجدي مخططين يكيدون بيج ويلزمون عليج فديو حته تتنازلين وماتحجين يعني فهمتي قصدي

-ياااا فلك يا هاجر
ولج انتي ماعندج عقل ياقوت يمه مافكرتي ماصفنتي
ماتعرفين شنو هاجر
هاجر عرفت انتي صرتي خطر عليهه وقائد مايريده
سوت هشكل بس انتي الاكول عليج عاكله
ليش ماكتيلي بساعتهه

-عمه من الخوف ماعرفت اتصرف
لدرجه توقعت انتي هم تعرفين

-ياا عمه هيج تضنين بيه

-مادري عمه متدرين شنو صار بيه معرفت افكر غير بس شلون اخلص نفسي

-وين رحتي يومين يايمه

-سالفه طويله عمه رحت يم ناس خيره ورجعوني لبغداد

-يمه قائد لو تدرين شصار بيه من مشيتي
لا ليله ليل ولا نهاره

-يي هسه جان يمي

-اجاج

-يي عرف بيه رجعت مدري منين واجه بس جان كلش
عصبي

-حقه يمه ماتدرين شواجهه هنا
اتشمتو بيه وعيرو بيج المنه وبيه

-عمه دخت وماعرف شسوي مادري اذا ضلمته لو ضلمت نفسي

-عمه انتي ضلمتي روحج وضلمتي قائد وياج
جويتي كلبه يايمه

-شسوي هسه عمه

-عوفي النار تبرد وساعته ينحل كلشي
ماراح تحليهه ونار كلبه شاعله ...

-سديته منهه واني الف حسبه ببالي تعبت ودخت واني تعبانه رجعت نمت ماكعدت اله نص الليل رفعت تلفوني ساعه 2 بليل ..
نزلت ادور شيء اكله لكيت لفات صاج ثنين سوالف دره هاي هي تحب الطبخ كلشي تسوي وكلشي تتفنن بيه ..
حميت اللفات بالمايكرويف وطلعت ببسي وصعدت للغرفه اكل واتصفح بالتلفون ..

طبيت على صفحه قائد لكيته اخر ضهور قبل ساعه

تصفحت بحسابه وصوره اتأمل بيهن اكبر بالصور
احس مفتقدته حاولت احجي وياه اتصل بيه بس مكدرت
احس روحي ضايعه وداخله بمتاهه