ماخفيت ضمائرهم

البارت-32-

انا شناسي
احط راسي واريد اغفه
والف شغله تجي براسي
اضل اتلمس بگلبي
اضل احسب عددهن كامل جروحي
كلشي اذكر انا ماناسي بس روحي

______<<<<>>>>________

جحضت عيوني وانه استوعب الكاله ..

-جدي انت دمرت عايله بحالهه شلون كلي مااتندمت
وضميت هذا السر كل هالسنين

جدي شلون كادر تنام الليل ..
بنات ابنك ذن شلون كدرت تسوي هيج
اتوقعت كلشي فد ماتوقعت انت سبب هذا الخراب

-هذا السر صار سنين مضموم وانت اجيت وخربت كلشي
ماتحاسبني انت لك ادمرك وامحيك

-مو صعبه عليك جدي مو صعبه

-قأئد الزم حدودكككككك

-اكيد ناضم عمي ينفذ وانت الي تأمر مووو

احجي واصفك ايد بأيد كل عقلي يم ياقوت شلون اواجهه بالحقيقه احس الذنب صار بينه كلنه
كلنه مسوولين عالصار وانه اولهم
يوم الاجت وكالتلي جدك سبب حرك البيت مارضيت

-شنهي الرايده هساع هاي عرفت الحقيقه وتالي شني

-تدري شكد عانينه واحنه نثبت النسب وانت عندك كل الاثبات

-انت ضنك من سويت هاي الهوسه والاثبات انه اتركك
تراني ماد الحبل بمزاجي
فد ياقائد لا تضن اسمح بنات فيروز يشيلن اسمي

-ياااسم جدي يااسم اسمك الي ملطخه ببصمه طول عمري ماراح اسامحك عليهه

-قاااائد انكتم ترااني ساكت الك ومطول بال
لا تخليني اتعامل وياك غير تعامل واهينك واخليك تحلم تعتب الباب

-قصدك مثل عمي حكيم

-شمرت الطبله وجريت الملف وطلعت بوجهي
افتر بالشوارع ماعرف شسوي مالكيت روحي غير مخابرج

ياقوت -يحجي واحس النفس ضاق بصدري دمعتي تحجرت بعيني اجتاحني شعور الصدمه
بالرغم اني جنت متأكده هو اله يد بالسالفه

بس مرات بداخلك تحاول تكذب الضنون علمود متضلم
ومن تسمعه بأذنك تاذيك حيل

الحجي عبالك مو يدخل بأذني لا عبالك سيخ حار وبأذني يدخل صابتني رجفه انهرت رفعت عيني على الملف سحبته
فتحته جانت جناسي امي وابويه واني وصور الهم سوه
وصوره ابويه شايلني ويبوسني وحاضن امي

حيل اثرت بيه هاي الصوره سحبته وخليتهه على صدري عطت حييل وكسرت كل حواجز الصمت الجانت مكبوته على صدري حسيت هسه فقدتهم
هسه ماتو

-لاااااا حسبي الله ونعم الوكيل حسبي الله علي
الله ياخذه الله يحرك كلبه
امممييي ابوووويييه اااخ يمه ولج طلع حقج يمممه

انهاريت بالبجي وقائد حاضني ويبجي ويايه
قافل عليه بايده لان وصلت مرحله الطم واجر بشعري
حيل فقدت بقيت ابجي بصوت وهو ابد ماتركني ضام راسي بصدره وحاضني واسمع صوت البجي مالته
تعبت وكمت ابجي بسكته واشهك