جنّة إبليس

تنويه هام جداً جداً جداً

ازيكم يا حلوين 💜

مبدئيا كدا أنا لو متأكدة أن الرواية دي هيقراها ناس كبار سناً بس انا مكنتش هكتب التنويه دا .

لكن هكتبه لأن أغلب القراء سنهم صغير ، وأفكار الرواية كبيرة شوية عن سن معين ، طبعاً احنا عارفين أن الرواية مش رومانسية خالص بلس أنها حتى الآن مفيهاش اي شخصية تصلح انها تكون قدوة خالص ، لأن الرواية بتوضح اكتر الجانب المظلم عند كل واحد في الأبطال .

الرواية مكتوبة عن طبقة معينة من الأثرياء ، طبعاً فيهم ناس كتير ملتزمين وفيهم لأ ودي اللي أنا بتكلم فيها ، لكن بالنسبالنا وبالنسبة للكل فيه خطوط حمرا كتييير جدا وحاجات حرام على الكل ، وأولهم شرب الخمر مثلا أكيد دي حاجة بديهية مش محتاجة اتكلم عنها بس فيه ناس فعلا لسة سنهم صغير ووعيهم بيتشكل ولما تشوف مشاهد زي دي الخمرا فيها شيء أساسي ، وعادية، ممكن دماغها تلف شوية .. وفيه ولاد ممكن تتخيلها حاجة بتدي كاريزما وكدا ، لكن طبعاهي مش عادية خالص .

الخمرا حرام قولا واحدة ..
رسول الله صلى الله عليه وسلم قال: "لعن الله الخمر، وشاربها ، وساقيها ، وبائعها ، ومبتاعها ، وعاصرها ، ومعتصرها ، وحاملها ، والمحمولة إليه ، وآكل ثمنها."

والبطل اكتر واحد عارف وفاهم الكلام دا كويس بس هو كان بيشرب في البداية لغرض معين بعد كدا اتعود ، لكن دا ولا روشنة ولا قوة شخصية ولا حاجة كاريزماتيك ولا أي حاجة ، بالعكس جدددددا دي حاجة حرام وهتفضل حرام واللي بيعملها بيتصاب بالفقر لا محالة سواء فقر المال وضيق العيشة والضنك ، أو فقر القلب واستسهال كل الذنوب والمعاصي اللي أكبر والأصغر اللي في الاخر بتموت قلب صاحبها وبتبقى آخرته جهنم ..

وطبعاً أكبر خط أحمر في الرواية كلها علاقة هشام بكاميليا ، الزنا من الكبائر وجوازهم في النهاية استحالة يمحي الذنب الأصلي ، دا غير أنهم مرتاحوش ولا قبل الجواز ولا بعده ،ودا مش عادي ولا ايزي ولا سهل ، كاميليا تابت ومرجعتش تاني للوضع دا لانه غلط وأكبر غلط ، ياريت ناخد بالنا معظم الأبطال عايشين عيشة سهلة واغنياء جدا وكل شيء تحت رجليهم بس في نفس الوقت محدش فيهم عارف ينام مرتاح ولا يعيش حياة هادية بدون وجع وخنقةوكأبة ،ومين عالم يمكن الذنوب دي بالذات دون غيرها هي السبب في ابتلائهم .

مش هتكلم عن العلاقات المتعددة بتاعت البطل او غيره والحوارات دي لأن الاغلب شايف فعلا أنها حاجة مقرفة جدا ومش روشنة لكن انا اتكلمت عن علاقته بكاميليا بالذات لأن فيه بين القراء وبين الشخصية دي بالذات مشاعر على مدار الرواية وفيه ناس حبيتها وفيه ناس تعاطفت معاها فلازم التنبيه طبعا

آخر خط أحمر بقا وركزوا بليز عشان الجدل اللي حصل على البارت اللي فات ،، اتعاطفوا مع هشام براحتكوا وحبوه براحتكم بس بلاش تمشوا وراه وتخلقوله كمان مبررات وتقولوا انه معاه حق .. انتم كدا بتضربوا فكرة الرواية كلها بجد 🖤

وفي الآخر إحنا أكيد عندنا دماغ وعارفين الصح من الغلط ، وحتى لو الشخصية حبيناها وتعاطفنا معاها لازم نستوعب اخطائها ونستنكرها .

وعموماً الجزء التاني مفهوش كل الكلام دا خالص وهيصحح فعلا كل الأفكار دي بطريقة كويسة جدددددا عشان كدا أنا مش قلقانة من اللي كتبته بس حبيت أنوه من دلوقتي عشان محدش يتأثر ولو مللي واحد ..

طلب اخير بقا بجد أنا مستنية ريفيوهات على كل الجروبات عن الرواية ، بيتهيألي اني عندي فانز مش قليل 💙
دا عشان خاطركم انتو والله .. عشان معنوياتي ترتفع كدا وشغفي يرجع وانزلكم الجزء التاني بسرعة ..
وبجد لو لقيت ريفيوهات وتفاعل وكدا هنزلكم حالا اقتباس جامد من الجزء الجديد🥰🤩

شكراً ليكم 😍❤️