جنّة إبليس

اقتباس تشويقي من الفصول القادمة ❤

ـ نفس الموقف بالظبط بيعيد نفسه يا هشام.. وفي نفس المكان، زمان أنت كنت كاسرني بأختي لكن دلوقتي بقا..
توقف للحظة زاد فيها من اقترابه ثم تابع بتمهل وهو يبتسم بشماتة وبعيون ثاقبة:
- أنا دايس على وشك..

أحمرّ وجه هشام وازداد لهيبه وانتفض جسده غضبا، لم يشعر بنفسه إلا وهو يشد أجزاء سلاحه وهذه المرة دون أي تخطيط تداخل صوت شدّ الأجزاء مع صوت صراخ دانيا التي تحركت من مكانها سريعا لتنقذ الموقف بكل ما تملك من قوة وفي أقل من ثانية كانت تقف أمام زوجها وصنعت حائلا بينه وبين عدوه وهي تقول بتوسل:
- لا يا هشام، متدمرش كل حاجة وتضيع نفسك وحياتك، وحياة حبيبة كمان....

كان كل ذلك أمام دموع حبيبة الصامتة المنكسرة، تمسك ببطنها متألمة لكنها عاجزة عن النطق بشيء، رضخ هشام قليلا وتراخى ذراعه الذي يحمل المسدس بينما ضحك أمير وقال متهكما بسخرية:
- مراتك قلبها خفيف أوي، لا وخايفة عليك.. نفسي أعرف بتقع على النوعيات دي ازاي؟!

استدارت له دانيا صارخة في وجهه بانفعال:
- ما تخرس بقا، أنت غبي!!

ابعدها هشام من أمامه بعنف واصبح لا يفصل بينهما سوى سنتيمترات ومن جديد وضع السلاح على جبهته وهو يقول بغلّ:
- هبعتك عند أختك دلوقتي حالًا وابقى اسألها هي..

ـ هشام عشان خاطري خلينا نتكلم ونتفاهم أحسن..
قالتها دانيا باكية بخوف.

ابتسم هشام ابتسامة جانبية ثم قال بهدوء وكأنه قد رتب للأمر وانتهى منه:
- ليه نتفاهم، ما أنا اقدر اقتله دفاع عن النفس وماخدش فيه ساعة واحدة، وبالنسبة لأختي بكرة هيبقى كتب كتابها على واحد ثقة واللي في بطنها هيتكتب على اسمه كمان..

ـ دا الموضوع قلب معاك بعقدة بقا يا أتش،  إيه عايز تكتب ابني باسم راجل تاني زي ما عملت مع بنتك وفي الآخر طارت منك وبتعيط عليها دلوقتي... طب أنت بنتك كانت بنت حرام، مش هتتساوى بابني يعني..

تيبست جميع ملامحه وانفعلاته وطالعه لثواني ليصطدم بالشر والثبات عليه، غمغم بضياع وبشفاه مرتجفة مصدومة:
ـ أنت عرفت الكلام دا منين؟

لم يرد أمير، بل كان التعقيب لدانيا التي ملأت الدهشة ملامحها منذ أن نطق أمير بكلماته، لكن سرعان ماتحولت هذه الدهشة إلى صدمة وقهرة حين نظرت إليه لتجد عيناه مشتته ينظر إلى غريمه في استجداء حتى يكمل ما تفوه به، رددت بصدمة وبرجفة سرت بداخلها:
ـ بنتك!! بنتك مين يا هشام؟

______$____$______

حرفيا المشهد دا أقوى مشهد في الرواية على الاطلاق ومن غير أي مبالغة حرفيا، مواجهة الاتنين دول بالذاااات في التوقيت دا هتكون زلزااال ♥