أصفاد متملك

البارت #2

رواية: ❁ أصفاد متملّك ❁
✍: زجل يلدز 🍂
🌼#خريف_الغضب🌼

" كن أو لا تكون "

وقفات قدام الشرجم كدوز الاتصال بالسر حتا توصل الخط وجاوبات بغموض

- آلو ...

الشخص : شنو الجديد عندك؟

هي بصوت خافت لا يسمعها شي حد : مكاينش الجديد رجع متعلق بيا قربنا نوصلو لهدفنا وخطتنا غتمشي مزيان

الشخص : متنسايش آنسة مروة كن ما حنا مكنتيش دغيا تكسبيه وسوسنا فراسو من الصغر غاع هادشي لي تحقق خططنالو جاحة بحاجة .. مؤيد شوقي مشرووع صرفنا عليه أموال طائلة ..غلط صغييير يخسّر كلشي غيدي بيك للهلاك

مروة مسحات على راسها بخوف : متخافش انا قد المهمة عمرني نخونكم

الشخص باستفزاز : هادشي غير الا فكرتي من هنا للمستقبل اما دابا غير باش متتغريش وتقولي قطعتي الواد ونشفو رجليك ..

مروة : واخا اس .. قبل متكمل هضرتها قطع الخط فوجهها وتسمع داك الرنين لي خلاها تضغط على كفوف يديها معصبة زفات بداك التيلي لبعيد كتسوط نفسها وهي تتغلي ودوور فبلاصتها غادة جاية متوثرة لاقصى درجة

مدة وهي على ديك الحال كتمتم كلمات مفهومين فالاذان : غنتزوجو خاصني نتزوجو .. مغنخرجش بلاش .. مغاديش نسمح فهاد الثروة والاموال بعد هادشي كامل .. غتزوجيه ا مروة غتزوجيه

كانت كدوي كيف الهبيلة هترات وكتعاود فكلامها بلؤم حتا بردات ومشات تخشات فبلاصتها باش تنعس عالله يزورها

فجهة اخرى

هز راسو بنص شوفة فيها هي اللي واقفة مخرجة فيه عويناتها بالصدمة حنحن ونطق ببحتو روجولية: رجعي لداركم

دار عاطيها بضهر راجع لسياارتو ثوااني وسمع خبطة خلاتو يقلب راسو لجيهتها تاكاتجي عينو عليها وهي طايحة فلأرض على طولتها والدم خارج مع راسها تصدم

تاجه ناحيتها بسرعة هزها من الارض كيتفقد حالها ومنين جاها النزييف حتا كيلقاها طاحت على حجرة صغيرة جرحاتها فراسها حيدها ليها بسرعة وجبد منديلو من جيبوكيحزم ليها بيه راسها تا حزمو ورفع ليها راسها بيدو عند دقنها كيشوف فتعاليم وجهها الطفولية باينة عليها باقا صغيرة عرفها مغتفيقش وميمكنش يخليها تما هزها بسرعة دايها لسيارتو حطها اللور فاش لقاها باقا كتنفس وزاد بلا حتا كلمة ركب السايق خلا وراه غير العجاج

كانو خارجين مجموعين بنات مع بعضياتهم كيضحكو ويفوجو من هنا للهنا لباسهم مقزب ووحدا تنسيك فلاخرة حتا نطقات وحدة فيهم

إيمان : اححح البنات شوفو شوفو هزو راسكم بشوية على ليمن ديالكم كاين واحد التيتيييز واحد التيتيز امييي قلبيييي اححح على التخنزيرة والفييم