فجهة اخرى
واقفين قدام القصر كيتوادعو معاها اخر وحدين جات عندهم هوما زيدان وسلاف غتتوحشهم بزااف فهاد الشهورة لي دازو دوزات امتحاناتها وخدات الباك بمونسيون متواضعة خوات راسها من مجد سلاف وقفات معاها هي وزيدان فبزاف دالحوايج حتى فالطلاق من مجد لي متقبلش حيت مجد مبغاش يطلقها واليوم غتسافر وتقطع البحوور باش تكمل قرايتها وضبر على راسها غادة تقرا شعبة داخلة فالطب بغات تولي دكتورة نفسية ميولاتها ساقتها لهاد الشعبة اليوم طيارتها واليوم غتخلي كلشي وراها وتزيد قلبها مقبوط مساخيلش بدارهم وبسلاف وزيدان كثر غتمشي مرا ما مزوجة ما مطلقة علقها ومبغاش يعطيها حريتها كأنو كيقول ليها نتي بلا بيا مغاتكوني والو ولكن هي تحداتو ودار المستحيل وبمساعدة زيدان قدر يخرجها لبرا سوا بغا راجلها سوا لا هو لي تكلف بمصاريفها والوراق وكلشي رغم انو مبقاش كيدوي مع باها
وقفات كتشوف فيهم وتلاحت معنقاهم فدقة حتى بعدات وقالت : غنتوحشكم بزاااف لهلا يخطيكم عليا نتوما هوما السند ديالي
بتاسمو ليها ونطقات سلاف لي كانت كرشها بدات تبرز اثر الحمل : الله يحفضك ابنتي متنسايناش
زجل قربات ليها حطات يديها على كريشتها ضروري نجي نحضر سبوع خويا الصغير
زيدان كان كيبتاسم بهدوء وكيشوف فيهم وسلاف قالت ليها : باش عرفتيه خوك ههه ويلا كانت ختك
زجل : لا متأكدة خويا مافيهاش شك (قربات ليها معنقاها وقالت) تهلاي فراسك وردي البال لراسك قلبي غيبقا معاك
سلاف : كلشي غيدوز بيخير انشاء الله
زجل : ياربي (شافت فزيدان) تهلا فيها راه احن أم فالدنيا تزوجتيها
زيدان حرك راسو باه ونطق : متخافيش
زجل شافت فالشيفور لي واقف كيتسناها : اديوس
سلاف : واماشي اديوس راك غادا لألمانياا تبتي معانا
زجل : هههههههه تال تما ونتعلم
زيدان : غنمشيو معاك للمطار
زجل : لا بلاما نصدعكم صافي مبغيتش نبكي لاشفتكم تا ماما وبابا منعتهم
سلاف : الله يسر ليك ابنتييي تهلاي فراسك
ركبات مع الشيفور سد ليها الباب وديمارا مكسيري
وصلات للمطار هبطات الباكاج ديالها بمساعدة الشيفور طبعات وراقها وجلسات كتستناا الطيارة كتلعب فالتيليفون تا كتسمع سميتها من بعيد
جالسة فبيتها كتحس بالحرييق اسفل بطنها وضهرها حتا كيتخبط عليها الباب قفزات قلبها مشا وجا مع رفعات راسها وهي تقضب حواجبها بسخط كتشوف فديك لي زادحة عليها الباب
نويدة : يااك لبااس؟؟
المرا: وانوضي الالة باراكة من النعاس خمرتي ليا لا خدمة لا زين لا مجي بكري عيقتي عليا جايباك نخدم عليك ولا شنو
أنت تقرأ
أصفاد متملك
Любовные романы✨ مكتملة ✨ ❴روايــــة❵ : ⛓️ أصفـــــــــادُ متمـــلّــك⛓️® * بالدارجة المغربية * بقلم ✍: زجل يلدز 🍂 ⚠️ملحوظة: القصة جزء ثاني لرواية #صمتايامغرورة لكن ممكن متابعتها بدون الرجوع للجزء الاول إذا اردتم⚠️
