أصفاد متملك

البارت #6

شافتو كيف تصرف وشافت تيليفونها بلعات ريقها خصوصا مصوني عليها فيديو عرفاتو مغيفهمش البلان

ماطات يديها لتيلي بسرعة تقطع لابيل حتى وقفها بيدوو بلا حتى كلمة خدا التيلي من عندها كيشوف ثواني حتى غمض عيونو وفتحهم مدوز الخط والكاميرا لجيهتو كيتسناه يبان ويدوي يشوفو شباغي

بلال كان حاط التيليفون فوق الكوافوز كيتسناها تجاوبو وكيقاد فالغرافاط مزروب عندو شي شغال سمع الخط تفتح نطق بصوت باح بكثرة الكماية فيه نبرة عجيبة : على سلامتك اعبيقة واخيرا جاوبتيي .. متسناهاش تجاوبو واخد راحتو .. المهم حتى تقولي ليا وقتاش غتجيي باش نعرف شنو ندير مع ختك مخاصها تعيق بوالو (قاد الكرافاط غادي ناحية التيلي يهزو) مكتجاوبيش مساجات داكشي لاش صونيت ياك لباس عندك هز التيلي حتى كيشوف مجد قدامو بقا كيشوف مصدوم كيفاش دار تا وصل عندها وكيفاش رجعو دغيا وشكيدير تم ياكما ضربها عاود شحالمن فكرة زارت بالو فلحظة وحدة ضرب الطم كيتسناه يدوي باش يفهم اش كاين

زجل مقادرة تنطق حرف واحد

هنا مجد زاد دخلو الشك كثر كيفاش عرفها غتجي وكيفاش باغيها تقوليه باش يقاد بلان نويدة ياكما كيديرو شي بلان ورا ضهرهم فكر انو يكونو كيخونوهم بزوج ونفض هاد الافكار من راسو واخا التناوي دخلوه وحلقو نشف

قطع عليه الخط ودار عند زجل : تقدري تعطيني تبرير مقنع لي يخليك باقا كدوي معاه؟

زجل بخوف: غتسمعني؟

مجد تنهد وحرك راسو باه بلاما ينطق حرف

زجل : والله ما كاينة شي حاجة غير باغي يدير مفاجأة لنويدة حيت خدا دار غينتاقلو ليها داكشي باش باغيني نكون تما باش نعاونو والمفاجأة متكشفش وصافي والله حتى بحال خويا وزيد راه راجل ختي ميمكنش نكون خايبة لديك الدرجة امجد (شدات على يدو بيدياتها كتحاول تخليه يتيق فيها وميتهورش وكملات كلماتها كطفي غضبو) أنا كنبغيك نتا فقط ومامستاعداش نخسرك ولا حتى نفكر نخونك تيق بيا

سكتات حاطة يديها على دقنو عيونها فعينو متزحزحوش باش يزيد يتأكد من صدقها وصحة كلامها

متحركش مدة وهو غارق فعويناتها وداك السحر والتعويذة لي لقاتها عليه خلاتو ينسى كلشي ويلتازم الصمت حتى فيقاتو بقبلة طبعاتها على شفايفو رافعاه معاها لعالم ثاني حيدات الحشمة وكلشي بغات تطرجم ليه حبها دقائق من الوقت بين الفينة والأخرى كانت كتستارح وتاخد نفس حتى كبحات رغبتها ليه بزز معنقاه وحاطة راسها عند عنقو كتنفس بانتظام

داز الوقت طاح الظلام كلشي مشا ينعس

كانت فبيتها لي لقاتو نفسو متبدل فيه والو توسدات مخدتها وسريرها كترتاح والنعاس مداهاش كتفكر فبناتها واش واكلين واش ناعسين اش كيديرو خايفة عليهم بزااف ولكن خاصها تربيه تا حاجة مانفعات فيه غتجرب الفراق احسن ليها