رواية: ❁ أصفاد متملّك ❁
✍: زجل يلدز 🍂
🌼#خريف_الغضب🌼
رؤى شدات على يديها كدوي بصوتها الرقيق كبرات وباقا كيوت بزااف : خليها راه باقة صغيرة
اميمة خنزرات فيها من التحت للتحت : دابا نتفاهم معاها على هاد التنقاز وكيلو دالميكاب لي كدير
زكرياء : اللهم تجيها المراهقة على الميكاب والحوايج ولا على شي حاجة اخرى خلي البنت
اميمة : زادت فيه
سامة مكانش باغي يدوي حيت بيناتهم تا قال : وفينها عروستنا ؟
زكريا بتاسم : ها زجل غتمشي تجيبها من الفوق شاف فيها فهمات بلي كيدويو على ختها حركات راسها بالايجاب وشافت فولد مجد لي جالس فالارض كيلعب داير كي العجييينة وهي تتحماق على الدراري الصغار خلاتهم داويين وتحنات عليه تتبوس فيه وتعبج
مخلية مجد مخنزر فيها بشي شوفات خصوصا وصدرها كلو دفق قدامهم مع ملابساش مستور
رفعات راسها فاش سمعات عمتها كدوي ليها
رؤى : انا كن عطيتوني غير زجل نديرها بنتي كنحماق عليها شحال توحمت عليها فاش كنت حاملة ب ملاك الله يرحمها
سامي زير على كتيفاتها مبتاسم : هاهي نديوها تعيش معانا خخخ
أميمة : غا ديوها شيباتني
رؤى : نيت غتخوا الدار مع مجد وولدو عاود هههه
زجل وقفات تتشوف فيهم دايرة يديها على جنابها : اييه زيد زيد .. شافت فباها .. قول تا نتا شي حاجة حيت لالة المغرورة مخلاتش فيا غير لي نسات اليوم
زكرياء حمحم بجحرجة صوتية وقال : بنتي بعدولي منها هي عمارة داري .. اجي لهنا اديك الگراادة
زجل : انمشي نجيب ليهم عروستهم .. شافت فعمتها ... هانتي ديتي وحدة كن كان عندك ولد اخر كن ديتي الثانية شفتييي
ضحكاتهم خلاتهم كيكركرو منغير داك المعقد ديال مجد منين جا وهو عاقد غوباشتو
.. خرج وخلاها وراه فحالة صدمة بحالا باقي قدامها متحركاتش مخلي وراه هيبتو بديك الريحة الرجولية لي كاين منها وحدة فالعالم كامل كتصاوب خصيصا ليه بقات تتشوف بجنابها متنكرش بلي طير ليها العقل ولكن من جيهة اخرى كتتفكر راسها غير مراهقة وجاية هنا على قبل الخدمة خاصها دير مستقبل لراسها وتلقا كيف دير تخرج راسها ماشي ديما غتبقا كدق لانسولين للأميرال ضروري مغتمشي تكمل قرايتها من بعد
ناضت بعدما دات وجابت افكارها فراسها خرجات من جناحو نيشان عند لي مكلف بالخدم باش تعرف شنو مطلوب منها بالضبط وفين غتجلس وواش غتعيش فالقصر نيت ولا فين هادشي كامل كيدوور فراسها
#عند_مؤيد
كان عندو إجتماع مع المنظمة جاو رؤوس اصابع منها باش يناقشو معاه الجديد ومعاهم شخصيات كبار فالدولة
أنت تقرأ
أصفاد متملك
Roman d'amour✨ مكتملة ✨ ❴روايــــة❵ : ⛓️ أصفـــــــــادُ متمـــلّــك⛓️® * بالدارجة المغربية * بقلم ✍: زجل يلدز 🍂 ⚠️ملحوظة: القصة جزء ثاني لرواية #صمتايامغرورة لكن ممكن متابعتها بدون الرجوع للجزء الاول إذا اردتم⚠️
