أصفاد متملك

البارت #21

مرضاتش قدام الناس حنات راسها وزادت مفيها لي يتشوه كثر مع هاد الكيييداار طلع ليها القردة للسطح

ركبات فالسيارة كتنفخ وركب تاهو زادح الباب بعصبية وكسيرا مدوااش معاها

تاحطها حدا دارهم ونطق : الليلة غنجيو نديوك انا ودارنا علمي مك وباك

زجل مجاوباتوش خرجات سدات الباب وخلاتو

اما هو فديك الساعة قلع معبرهاش مازال كيشوف لبعيييد معرفش علاش معاها تصرفاتو كتبدل ومشاعرو كتولي وحدة اخرى هو كلو كيولي شخص اخر فاش كيشوفها مكيتحكمش فراسو

غادي بفيطيس هابط قرب يخرج من حومتها حتا كيلمح نويدة مع واحد فالطونوبيل تقل السرعة كيشوف كان نفسو داك لي شافو معاها ديك المرة زير على الفولون بيدو فاش شافو قريب منها وكيطبع قبل فعنقها وسط السيارة مرضااش متيقش اش كيشوف بعيدا على كلشي بعيدا على انها كانت خطيبتو ولا دابا خت مرتو ولكن منطقيا هو بحال خوهم الكبير فبلاصة مؤيد ميرضاش يشوف عليهم قد هاكااا

هو هاكا نفسو حارة مشعرش براسو تا وقف سيارتو دوزيام بوزيسيووو هبط ساد الباب وتوجه ناحيتهم كانو غارقين فعالمهم حتى كيدق عليهم من الزاج لي جيهة بلال ثلاثة الدقات رفعو فيه راسهم بلال كانو عيونو حمرين معصب شافو بغا يعايرو حيت قاطعهم اما نويدة فغير هزات راسها فيه سطل دالما بارد تكب عليها

مجد شاف فيها شوفات فهماتهم ديال خيبة امل حيت كان كيحسابلو شريفة وعفيفة وشحال قارنها بختها وظلم ختها بسبابها : هادشي لي قديتي عليه؟ وسط حومتك مخفيش باك يدوز غا على غفلة يشوفك شنو كان غيدير؟

بلال شاف فيه بعصبية ونطق بنبرة مشرملة :  الشريف دوور مية وصومنا عليك معندناش وقت للمشادات

مجد نفخ الهوا من خشمو بسخرية وقال : كان كيحسابلي غتدي شي واحد من مقامك ساعة كنت غالط ضرب فيهم وزاد نويدة ناضت بغات تبعو خايفة يفرشهاا

وهو يشدها بلال : شش شوفي جلسي لي دوا يرعف راه ضوسيه باقي عندي فالكوميسارية غا سدوه الدراري داك النهار بكلمة منك نسيفطو يتبرد

نويدة خايفة وقلبها كيدق حركات راسها باه وعقلها مسافر

نويدة واخا سمعات كلامو بقات خايفة ومحملاتش راسها خصوصا وراه كانت كتبغيه باقا مشاعرها ناحيتو موضاحتش اي وحدة بلاصتها مغتبغيش شي حد يشوفها بديك النظرة كيما كان

بلال شافها تغيراات مد يدو حاطها على دقنها مدورها ليه : شوفي معند ربو ميدير راني دويت..

نويدة : ولكن..

بلال بعصبية : باقا كتبغيه؟؟

نويدة : لا لا مكنبغيهش

بلال : ومالك دابا؟

نويدة تنهدات : والو..

جرها ليه تا مبقا فاصل بينهم والو وطبع قبلة دافية على شفايفها : أنا معاك متخافي من حد