أصفاد متملك

الفصل I : " إذا دخلتے سفينتے صغيرتي! .. إعلمے أنك ملك لےَ الآن.. "

رواية: ❁ أصفاد متملّك ❁
✍: زجل يلدز 🍂
🌼#خريف_الغضب🌼

البارت 1#

بكل ما أمتلكه من عقل وسلطة على نفسي .. تتملكني روايتي وأحرفي ؛ لكي أبوح بما في داخلي لكم ، وفي كل قصة أرويها هدفي هو تغييير عالمي وعالمكم 🍂

....كان كيتحدث معاه بهدووء جالس مقابيلو الشيب بان فشعرو والزمان بدلو.. بانو فيه السنين لي دازو لحيتو كبرات وشعرو شاب عيونو كيشوفو بمكر وسط راسو مزالو نفس الشخص المتقلب فمزاجو قال بنبرة صوت توحي على ألم ولكن الم مزيف عارفو غير هو

إياد كيخاطبو : خداولي مراتي كنت كنبغيها ... ونتا خداوك من مك جردوك من طفولتك أمؤيد مخاصكش تسامحهم أنا كبرت وشرفت ومعنديش سلطة باش نرجع حقي ولكن نتا .. نطقها بهدووء مطواال وسكت هنيهة بعدها تمم كلامو .. نتا خاصك تنتاقم لطفولتك لي ضاعت بسبابهم باك وصحابو قدرو يرجعو للمغرب ويخرجو راسهم من هادشي كامل بواسطتك نتا وانا كنا ضحية أعمالهم سامي والكاميليون وزكريا كلهم سبب فهادشي

مؤيد كان كيسمع كل حرف وكيزيد يزير على قبضة يدو بجنون .. هاد الموضوع بالضبط كيعصبو وكينيرفيه كبر والسنين مطفاتش نارو ولا شوقو لمو لا بل كل نهار وكل دقيقة كتزيد شعلة الغضب تكبر جوواااه

سكت مدة كيدور داك الكلام فراسو متليها بتنهيدة من الأعماق هازة بزاف فقلبو ناض واقف بجسمو الطويل وقامتو كيشوف للارض زير على رجلو سااحق صورت باه لي طاحت من يدو للأرض وهو معصب حس براسو غيبكي لاكن مخرجاتش ولا دمعة من عيونو

هو قوي وأقوى من أنو يبكيي هادشي كان فالصغر وغاع لي داز منو خلا عيونو يدبلو وينشفو من الدموع؛ ولاو حمرين جمر عمرهم يرجعو كيف كانو

عم الصمت حتا كيتسمع داك الصوت الغليض الرجولي لي زعزع المكان بكلماتو

مؤيد : عمرني مغنسا .. قضب حواجبو بسخط وكمل هضرتو .. مدامني كنتنفس وعايش ومدام الدم باقي كيتضخ فعروقي ولو اني نوصل للسما ونملكها بيدي عمرني غننسا

قال هاد الجمل لي خرجو بحال العافية مع فمو وخرج مخليييه فداك القبو لمظلم هكاك طالع مع الدرووج للقصر نفسو القصر لي فرق عائلتهم داك لي جا بين الغابة فيه تخطفات مو وتلاقا باه لي كان فرحان بشوفتو حتا كيكتاشف بلي هو السبب لي غيخليه يعاني فحياتو

طلع للجناح ديالو ديكور الدار كلو تبدل رأسا على عاقب
كيطرطق فعنقو يمين و شمال بهدووء وكينصل فحوايجو حتا كيبان قوام جسمو وضهرو العريض وقفتو فيها هيبة كتبين بلي راه شخصية معروفة وواصلة بديك النخوة و التعجرف لي فيه وارثو على مووو غير هي كانت مغرورة وهو كبر نرجسييي الزمن عاود راسو وولد شخصية أكثر غموضا من شخصية المغرورة براسها

خلاها باه فاش قال * متولد المغرورة غير مكثر منها* كأنو تنبأ ليه كيف غيكبر وغيوليي

عم السكون حتا كيسمع صوتها من وراه تمشات ناحيتو بتوازن كانت عاد فايقة نايضة من الفراش وملوية عليها ليزار مغطية جسمها : مؤيد حبيبي