بقاو مدة على داك الحال حتا كينطق كاسر الصمت لي ساد بيناتهم بتساؤل : غنسولك وجاوبيني بلاما تتهربي ومتحاوليش تكذبي اهاتان .
ناضت من حضنو كتبلع ريقها وترمش بعيونها خايفة من سؤالو وقالت : ء اه ص صافي
مؤيد : شكون ماماك أميمة ؟
هاتان نطقات بهدوء : غير مرات صاحب بابا عائلة صديقة وصافي
مؤيد : وماماك فين هي ؟
هاتان : ماتت ... حنات راسها كتشوف فالأرض .. داكشي لاش جيت لهنا بابا لي قتلها
مؤيد بقا كيشوف فصمت
اما هي فكملات هضرتها بالدموع : تخيل كان كيكذب فوجهي غاع هاد السنين وهو لي قاتلها
مؤيد بتعجب : واش غير حادث ؟ ولا كيفاش واش مشا للحبس
هاتان بلعات ريقها : لا هو اصلا ... سكتتات مباغاش تقولو مافيوزي تصدق جابدة شي مشكل بقات كدور فعيونها
حتا نطق مقاطع تلعتمها : تا انا الأم ديالي كانت سميتها أميمة..
هاتان : بصح فينها؟
مؤيد : مكايناش كاين غير بحدي هنا
هاتان : نتا مغربي؟
مؤيد نفا براسو : مكنعرفش شناهو المغرب
رمشات بعيونها كتحاول تفهم كيفاش كيدوي بالدارجة وكيفهمها ومعارفش شناهو المغرب سكتات مكتزعمش تزايد معاه فالهضرة حتا كيسمعو صوت الحارس عند الباب
كينادي بلقب الأميرال باش يخرج لأنو جا عندو شي حد
ناض واقف وخلاها بلاما يقولا والو خرج من الجناح
عند نويدة وبلال
بلال قرب عند وذنيها ونطق بفحيح أفعى : شششش ازين طحتي فالفخ
هنا نويدة قلبها تهز وتحط غمضات عينيها كدعي ربي يوفقها ويخرجها من هادشي على خير وهي معارفة والو
حتا كتسمع صوت قويي تطلق بالجهد خلاهم يتلفتو كلهم دقة وحدة
نويدة فحالة صدمة خصوصا وهي عارفة ديالاش هاد الصوت باغا تفك من يد هادا لي وراها ميمكنش تخليهم ياخدو أغلى حاجة كتملكها كتعااافر معاه كن غير تفلت ليه باش تسلخو ولكن كان حاكمها غوتات بالجهد بصوت مرغب
نويدة : طلقققق منييييي القواااااادددد طلللقققق ينعلللل ملتككك طلقققق نهرس ليك خنااافرك
بلال دورها جيهة الصوت كيبتاسم وهي كتشوف جيهة فسيارتها ودوك الجماعة لي كانو واقفين تم فتحو الكوفر دسيارتها وجبدو داك الصندووق لي دايرالو جهاز حماية غير قاصوه طلق داك الصوت المجهد تا من الجمل هرب كتعافر وتغوت وهي كتشوف فيهم تاحد منهم ما مبين وجهو
أنت تقرأ
أصفاد متملك
Romansa✨ مكتملة ✨ ❴روايــــة❵ : ⛓️ أصفـــــــــادُ متمـــلّــك⛓️® * بالدارجة المغربية * بقلم ✍: زجل يلدز 🍂 ⚠️ملحوظة: القصة جزء ثاني لرواية #صمتايامغرورة لكن ممكن متابعتها بدون الرجوع للجزء الاول إذا اردتم⚠️
