أصفاد متملك

البارت #19

مجد : غتجبد ليا ال@#$بة لي ديكلارات بيا ولا حسابي معاكم غيكون هو اللخر

قبل ميجااوب سامي خرجات رؤى لاوية عليها البينوار : اش كااين؟ وليتي نتا باغي تحاسنا اوا ياسيدي سمعني مزيان نقوليك .. انا لي ديكلاريت بيك حيت هادشي لي درتييييه ماشي رجلة..

مجد شاف فيها معارش هضرتها اهتمام قال غتكون غا تتغطي عليها وصافي حيت بقات فيها عارف مو قلبها حنين : حيدي خليني نشوفها حسابي معاها بلاما تبقاو تخبيو عليها

رؤى خنزرات فيه ونطقات بجدية كثر : يمكن سمعتي اش قلت؟ انا لي ديكلاريت بيك والبنت مغتبقاش هنا غترجع لدارهم ونتاا راه عندك زوج ضواسا عند البوليس الضوسي لي سديناه بزواجك غيعاود يتفتح ساعتها غتمشييي فين تتربى حيت هاد الفعايل لي درتي ماشي ديال دكتور ولا انسان واعيي

مجد كيشوف فيهم مفاهمش اش تيقولو خصوصا السكرة لي سكر واخا مجابش الكاو ولكن عقلو مشوش : اش كتقولي الواليدة؟

رؤى : انا ماشي مك

دار شاف فباه ورجع شاف فيها : جات يوماين قلباتكم عليا عرفتهاا لفعة من نهارهااا رديي بالك دابا دور ليك بالراجل ليومة فيبتك غدا تخرجك من.. باقي مكملش هضرتو حتا كيحس بكف قااصح وخشن جمعها معاه كانت يد سامي لي دمو فار وغلااا مقدرش يزيد كثر ويسكت لهاد الطاغية لي ولد

ضربو وقال بصوت كيقشعر البدن : هادييييك اخر وحدة دوييي عليهااا بنت الأصل باها عاش راجل وولد الرجال بلاصت البنات ونتا شمااااتة ندمت على النهار لي مشيت خطبت ليك من ديك الدار حيت بناتهم نقيين عليك نتا يصلاحو ليك غا ال حاب بحال لي تتعرف نيييت (كيقصد لي ولد معاها ايهم) بزاف عليك بنت النااس

مجد مدوااش وسامي باقي كيسمعو فالهضرة تا سمعو شي حاجة طاحت لداخل تهرسات رؤى تخلعات دخلات لعندها مزروبة لقاتها طاحت للارض حدا داك الفاز لي تهرس تتبكيي محطمة للآخر صافي مبقا عندها فين تزيد تجمع يديها كيترعدو وتنفسها كيتقال اعراض النوبة دالعصاب لي تتشدها بدااوها معرفاتش كيفاش تصرف تتحس براسها زايدة فهاد الدنية مصالحة لوالو تاحد ممعبرها ولا حاس بمشاعرها .. وصلات بيه لدرجة يقول عليها هاد الهضرة صافي مبقاتش قادرة تتحمل كثر داك الجهد باش كانت عايشة وتتقول غير سحابة وغدووز خر وبقات بلاش ولات باغا غير تدفن راسها فشي بلاصة بغات يغبر ليها الاثر متبقاش تبان تال راسهاا عياات بزااف هادشي بزااف عليها تتحملو بحدها شمن دارتو فحياتها بحالها بحال غاع البنات قدها باغا تلبس وضحك وتنشط ياك غا اللباس برا ومبقاتش تتلبس معرييي باش ميعايرهاش لاش مازال تابعها

وقف قدامها شاد فيديها وهي تتعكز وتقاوم باش توقف مرة أخرى على رجليها الحصص دالترويض نفعوها ولات تتقدر توقف ولكن ضروري متشد فشي حد باش ميخويوش بيها رجليها وطيح رفعات عيونها لي كيفتنوه كتشوف فيه شوفاتها المعتادة لي كيخليوه هايم غير بنظرة منها يقدر يدير اي حاجة تتوقعها كان الشعر بدا كيطوال بشوية على اخر مرة لي دارت فيها العملية