هاتان فتحاتها كان فيها الشكلاط شافت فيه ورجعات شافت ف مؤيد وقالت : اعععع فيه الجيلاتين هادا انا بغيت لي كيجيبلي زيدان
مؤيد رفع حواجبو فيها كيحاول يفهم اش قالت ومنين سمع زيدان القرودة طلعو فوق راسو عاود قال بصوت قوي : كيفاش؟
هاتان بلعات ريقها بصدمة وخوف من نظراتو ونطقات بتقطع : ب با
قاطعهاا وجر كرسي قالبو جالس قدامها وهي باقا فوق السرير سكتات كترقب حركاتو تا دار يدو على حنكو كيشوف فيها بنظرات غريبة :كملي..
هاتان تلفات معرفات متقول : بابا
مؤيد تبسم بمكر ابتسامة عجيبة : ايه زيدان
هاتان بصدمة : كتعرفو؟
مؤيد : زيدان القباج هممم؛ (كمل حديثو وهو كيبين ليها بلي عارف) كنعرف عليك كلشي .. الأب ديالك هو صاحب أكبر ماركة ديال الساعات فالعالم وماماك خخخ هي ديك العارضة دالأزياء المعروفة #الديفا ديك لي كانت كدير عرض ازياء للملابس الداخلية همم
هاتان بلعات ريقها بإحراج : ش شكون قالك هادشي
مؤيد ناض من بلاصتو داير يدو فجيابو وقال : قبل منتزوجك خاصني نعرف أصلك؟ ولا لا
هاتان باقا مصدومة وهي لي دارت لي ميدار باش تاحد ميعرف اصلها منين حرگات لداباا فمها تكوانسا غير كتشوف ملقات متقول شافت تا عيات وقالت : ومنين عارفو با لاش تعصبتي عليا ؟؟؟ بنبرة صوت منفخة
تمشا بخطا واثقة ناحيتها ودنى لمستواها مزير بيدو على فكها وقال : حيت مباغيش نسمع من فمك سمية جنس الذكر وانا معاك تافقنا ؟؟ .. أي حاجة درتها انا هي المثالية ... اي حاجة هناا أنا الأول فيها انا الآمر والناهي ولي درتها زوينة .. تبسم جنب بعجرفة جانبو المهووس والنرجسي وضاح قدامها .. متقارنينيش بشي واحد آخر مفهوم طلق من فكها بعدما كان مزير عليه ودفعها وهو لا مبالي بيها باغي يتحرك تا كيسمعها قالت
هاتان نفاعلات ناضت كتغوت بصوت رقيق كي البخوشة قدامو خخ : با حسن منك ا المهووس
دار لعندها بنظرات جامدة مكتعبر على والو وفلحظة وحدة جمعها معاها بكف لوجهها الصغير خلاها طيح على طولتها من الحر بلاما يفطن براسو فاش كيبدا يطلعلو السكار مكيعقل على حد
كيشوفها طايحة فالارض رفعات راسها كتشوف فيه بصدمة عمر شي حد حط عليها يدو تال عندو هو شاف فيها بالعين الحمرة وهو باقي مفيكسي على رأي واحد : المرة الجاية عرفي راسك معامن كدوي ولا غنعاود ليك الترابي من الأول داك الفشوش ديال داركم خليه تم هنا راك كبرتي وغتولي سيدة هاد القصر وعاي شوية
هاتان ناضت بلاما طيح ولا دمعة من عيونها مازالها كتشوف بنظرات صدمة وعيونها داير عليهم هالات حمرة باغا تبكي وحابساها نطقات بصوت باح بالبكية لي حابسة :
أنت تقرأ
أصفاد متملك
Romance✨ مكتملة ✨ ❴روايــــة❵ : ⛓️ أصفـــــــــادُ متمـــلّــك⛓️® * بالدارجة المغربية * بقلم ✍: زجل يلدز 🍂 ⚠️ملحوظة: القصة جزء ثاني لرواية #صمتايامغرورة لكن ممكن متابعتها بدون الرجوع للجزء الاول إذا اردتم⚠️
