أصفاد متملك

النهاية ✨

كان خدام على شي وراق حتى كيصوني تيليفونو

فتح الخط كيتسنا الجواب حتا سمع جملة خلات ركابيه يفشلو : سيدي جاتنا خبار بلي مدام هاتان كانت جايا فطيارة اليوم ولكن للأسف الطيارة سقطات وماتو الركاب وباقي ملقيناش ليها اثر

مؤيد منطق بحتى حرف جابلو ربي بلي غير كيحلم ستغرق مدة وهو مرفوع تا سمع صوت الكارد كيعاود يعيط عليه هنا خلا التيلي وكلشي وخرج مزرووب معارفش اش كيدير حتى خرج وتذكر شي حاجة ورجع هز تيليفونو مدوز نمرة هاتان لييي كانت خارج التغطية قرب يتسطا كيفاش ركبات والطيارة طاحت كيفاش دابا مرتو وحبيبتو وبنتو وختو كلشي مجموع فيها ونيستو وعائلتو ومنيرة دربو ورفيقتو ولي زينات حياتو وعطاتها واحد اللون لي خلاتو يتخلا على عوايدو الخيبة وغرقاتو بحبها ديك المونيكة لي جات عندو صغيرة وكبرات ودارت عقلها على يدو هاديك زوج عضيمات لي البرد كيمرضها وهو كيخاف عليها حتى من النسمة دالهوااا مكاينااش متحمل تكون ماتت وخلاتو مقادرش يذكر هاد الاحتمال غيتسطااا كيمشي وكيجي كيف الهبيل مبقاش بصوابو ميمكنش تمشي وتخليه من بعدما سكنات ضلوعو وتغلغلات داخلو ميمكنش داك الهوس لي عندو بيها يتطفى ميقدرش يعيش بلا بيها ميقدرش فلحظة لعن النهار لييي خلاها تمشييي وسمع كلامها خباها سنين باش فالاخير تموت ورا هادشي كامل لي ضحااو ميمكنش مكيتخيلش توقع ليها شي حاجة خايبة لاحساك تمووت ميمكنش

مخلا لي سول تاصل بغاع لي كيعرفهم كيدوز نمرة الكارد لي معاها والو تاهو مكيجاوبش دار غاع الاسباب خرج غاع ليكارد يقلبو عليها فالمنطة لي طاحت فيها الطيارة قلب على معلومات والو حتا خيط موصلو ليييها بقا ساعات وهو مصدوم مكينطقش كلمة ذاتو تقالت عليه وكيحس بالعافية كتنهش ضلوعو وبالضبط قلبوو رجليه فاشلين وعيونو حمرييين ملقاش لمحبوبتو سبيل مخلا تا طريق فوق الكرة الارضية لي توصلو ليها  وملقاش اثر ساعات كانت كفيلة تهدوز دازت كيف الدهر تقيلة على مخيلتو وعقلو وتفكيرو فراسو شحالمن بلان كيفكر شنو يقدر يكون طرا ليها غاع الاحتمالات دازو وقلبو تشوا بقا كيدور تا عيااا هز شتات نفسو ودخل للحمام توضى وخرج بدل حوايجهو هز صلايتو وحطها وقف كيصلييي ماليه غير ربي هو الوحيد لي كيصنع المعجزاات باغي يعرف مرتو فين كاينة مقادرش يتحمل كثر كيحس بالسكار رتافع فدمو كيصلي ويطلب من ربي يشوف واخا غير فوجه هاد البنات لي باقين صغار

سجد اخر سجدة بينو وبين ربو كيدعيه بإلحاح ويستغفر لي دار قبل خصوصا لي دارو مع بات مرتو وعائلتو عارف هو لي خرج فيه ونذر نذر الى رجعاتلو مرتو غيطلب السماح منهم وغيتخلا على غرورو وكبرياؤو ونرجسيتو باغي غير يشوفها قدامو تكون غير عايشة المهم عايشة وكيشوفها واخا تكون كتمشا على الكرسي المتحرك ولا غير ناعسة فوق الفراش المهم معاه وفجنبو بقا كيدعي بإلحاح حتى تسللات دمعة يتيمة من عيونو كانت هادي اول مرة بعد سنيييين قهرة ووحدانية اول مرة تدمع عينو لي جفات من الما بعد سنين دمعة طاحت على حبيبتو خوفا عليها وقلبو كيبكي الدم لداخل وربي لي عالم بيه مرفعش من سجودو حتا تأكد بلي دعا بما فيه الكفاية يمك ربع ساعة يمكن نص يمكن ساعة وهو فوق ديك السجادة يصلي ويدعي ومعيااش كلما كيجي فبالو شي توقع خايب كيعاود يصلي ويدعي الله