أصفاد متملك

البارت #15

تجمعو كلهم قدام القصر كيودعوهم باش يمشيو للمطار هاتان سلمات على الكل تا وصلات لزيدان لي كان كيوصي فيها بينو وبينها وسلاف تتسمعهم

زيدان : شوفي ابنتي راك باقا صغيرة على الزواج ولكن زوجتك لمؤيد حيت عرفتو ولد صاحبي ؛ ديري فبالك اي حاجة راه كاينة دار باك نهزك فوق راسي ونديرك فعيني تمس منك شعرة وحدة نقتل على قبلك ردي بالك ومتخافيش تعلميني باي حاجة طرات

هاتان حركاتلو راسها ودارت عند سلاف عنقاتها كتودعها نطقات سلاف بهمس فوذن هاتان : عيشي حياتك ابنتي راك مزوجة مديش على باك راه فاش كان قدك مخلا مادار ولكن عمرك متصبري على الدل والقهرة ديري فعقلك بلي باك داير ليك قصر تعيشي فيه اميرة صافي شدات على حنيكاتها كتبتاسم معاها بحنان وباست على جبينها متمما كلامها .. غنتوحشك

هاتان بتاسمات ليها كتشوف فيها بعيونها الرماديين لي كساتهم طبقة زجاجية من الدموع ونطقات وهي تتلعتم : تا انا ا م ما ما
تخشات فحضنها مرة اخرى معنقاها عناق حار مدة عاد بعدات وشافت فخليفة لي واقف حدا السيارة كيتسناها باش يركبووو

وصلو للمطار ركبو فطيارة خاصة ديال زيدان متوجهين لروسيااا

بعد 12 ساعة

وقف الطوموبيل قدام الكلوب لي كدير فيه الرياضة جاي يهزها باش يتغداااو بزوووج ومنها نيت يتافقو على امور العرس

بلاصة قريب وجلس كيتسناها تخرج مدة كان شاد التيلي كيبقشش فيه تا كتبانلو خارجة بحوايج الصبور كولون لاصق عليها بارز فصالتها وتيشووورط مفضفض وطايح على كتيفاتها كيبانو الصماطي وداك الصدر المبندر وقفات تتسنا طاكسي ومجد مقابلها من السيارة فتح الباب باش يخرج يعيط ليها حتا كيشوف بلال وقف لاصق عليها كان تابعها وقريب منها كيدوي بحالا بيناتهم شي حاجة خصوصا ويديه حاطها على كتفها العريان صافي هنا مجد العافية شعلاتلو فراسو خرج مزرووب من لوطووو لعندهمم فيه جهد عشرة

وقف عليهم كيف العجاجة نويدة دفعات بلال قبل متشوف مجد وغوتات فوجهو تا كتحس بشي حد وراها دورات وجهها وتصدمات من شوفتو بلعات ريقها خايفة انو يشوف فيها شوفة خايبة واخا مدايرة والو ولكن خافت يكون شافو فاش كان قريب ليها

بلعات ريقها ونطقات : مجد ا انشرح ليك

مجد كان عاقد حواجبوو كيشوف فيها بالعين الحمرة وقال : هادشي علاش تتجي لهنا؟؟ هادي هي تقتي فيك؟؟ خليتيني نتيق بلي باقين بنات الناس كنشوفك نتي مبدلة عليهم كاملين ودرتك فعقلي وقصدت الدار الكبيرة فالاخير طعنيني؟

نويدة كتبلع ريقها بخوف ودموع فعيونها مقادراش تيق بلي فكر فيها هاكا هي تتبغيه ميمكنش هادشي : مجد سمعني والله مابينا شي حاجة هو هو لي جا عندي انا كنبغييك

مجد كيطلعها ويهبطها على قبل الحوايج لي لابسة : قلتي كلشييي غير بهادشي لي شفت وهاد العرا بان عيبك