عند زجل لي وصلات للقصر دخلات لقات سلاف جالسة فغرفة الديزاين ديالها كترسم دزاينات جديدة لهاد الموسم خاص يكونو حصريين خدامة عليهم من زمان نيت كتبقا جالسة بحدها تلف فيهم الوقت
حتى دخلات عليها كتبكيي : ماما نازلي 🥺🥺🥺
نازلي رفعات راسها فاش زايحة شعرها الأشقر الطويل واحد الشوية ورا وذنها لاحظات بكاها تصدمات : زجل مالك؟
زجل مشات تتجري لعندها عنقاتها وهي تتبكي فحضنها : توحشتك
نازلي كتمسح على شعرها وتسكت فيها جؤاتها معاها للكنبة لي فديك الورشة فين كتستارح ولا كتجلس مع الشركاء لي كيشريو عندها التصاميم
حطات عليها راسها على صدرها وكتسكت فيها : مالك احبيبتي شكون قلقك ليا
زجل رفعات راسها تتشزف فيها : علاش نتي ماشي بحال أميمة نتي حنينة هي مكتعرفنيش تا شنو بغيت هي ماشي ام مزيانة تخلات على ولدها وهو صغير وجات كتفكر غير فراسها وزادت كملاتها مكتعرفش تتصرف مع بناتها
سلاف غير كتسمع منها حتا سالات وقالت : ماماك مرأة مناضلة انا لقيت ولدية حدايا من الصغر عيشوني فجو زوين ومتخلاوش عليا حتا فاش دازت عليا ايام صعيبة اه عمك زيدان مكانش بحال باك حنين دازت عليا معاه ولكن تفاهمنا من بعد .. ماماك راه عاشت حياتها بحدها ربي رزقها بباك فوقت لي كانت طايشة ومعارفاش كيف تسوق حياتها دوزات الويل بحدها فاش تفرقو كان خاصها تكون راجل ومرا وتربي خوك بحدها ودير مستقبال انا لقيت المستقبل قدامي هي من وحدة واليديها موفرين ليها كلشي ولات فالزنقة وخدمات على راسها بحرقة راه هادشي لي خلاها تقصاح واش حسابليك وهي فرحانة عطات ولدها لا هي لا باك راه ابنتي باقا صغيرة نتي باش تعرفي وتميزي شنو وقع تاحد مكيلوح كبدتو هكاك كن مخلاوهش وجاو كان غيتمحا ليكم الأثر كاملين
زجل طاحو دموعها من عينيها كتبكي : انا مدرت والو هو لي جا عايرني وقالي نتي رخيصة وكطيري دافعت على راسي وجرحني لقاتني كنبكي متاقتش فيا كيحسابلا درت شي موصيبة واش لهاد الدرجة ما فياش الثيقة؟ بغيت نلبس ونعيش حياتي مع صحاباتي مكندير والو مكندوي مع دراري مكنخرج لبيران غير خالقاها .. واش غلطت علاش تا حد محاملني
سلاف : ابنتي راه عقلية مجتمعنا هكاك .. شكون منعك لبسي لي عجبك انا كنت عارضة ديال ليغوب دونوي ومخليت مدرت ونهار درت عقلي راه تبت لربي ودرت نقابي قليل فين كنخرج لكن تلاقيت مع عمك هو لي خدا بيدي
زجل : كن غير كنتي ماما دبصح كنحسد هاتان عليك
سلاف بتاسمات بهدوء كتشوف فيها وهي كتقول مع راسها راه غير صغيرة من بعد غتفهم وقالت : شكون بعدة هادا لي عصب ليا بنتي وبكاها هممم؟
زجل : مجد جا يخطب نويدة .. (عاودات ليها شنو طرا من الأول)
قبل متسكت دخل زيدان مقاطعهم بصوتو القوي : اوا هادا ابنتي خاصو يعرف راسو واش باغي ختك ولا باغي يتحكم فيك نتي
أنت تقرأ
أصفاد متملك
Romance✨ مكتملة ✨ ❴روايــــة❵ : ⛓️ أصفـــــــــادُ متمـــلّــك⛓️® * بالدارجة المغربية * بقلم ✍: زجل يلدز 🍂 ⚠️ملحوظة: القصة جزء ثاني لرواية #صمتايامغرورة لكن ممكن متابعتها بدون الرجوع للجزء الاول إذا اردتم⚠️
