أصفاد متملك

البارت #5

ماطلقها مؤيد تا فدا فيها القديم والجديد سالاو نشفو ولبسو عليهم حوايج خفاف وخرجو من الغرفة للجناح لقاو فيونا باقا كتسناهم كانت كتلعب تا سمعات حسهم دارت كتشوف فيهم شوفات ديال علاش محليتوش ليا زعما

مؤيد فهمها بتاسم وهزها من الارض : مال بنتييي

حطها فوق رجليه جالس هو وياها

فيونا : ءلاس ماما اااع نتا اااع انا دء دء مفتحوس
(زعما علاش كنتي كتغوت نتا وماما ودقيت ومفتحتوش)

مؤيد كيضحك بقهقهة :كنت كنضرب ماماك حيت دارت البسالات

فيونا شافت شفايفو مجروحين حطات صبيعاتها عليهم كتستكشف : شنو هذا

حاولات تغمض عيونها وتنعس مرات كثيرة ومقدراتش ناضت كدور فالبيت مشات لواحد الماريو عندها كتجبد منو شي صنادق ديال الهدايا وصلوها فكل عيد ميلاد و عيد حب ولا عيد مرأة كل عام كانو كيوصلوها ومكانتش كتفتحهم حيت كانت كتعرفهم منو ومكانتش باغا تحن ليه ولا تحني ليه الراس مبغاتش يبقا فيها وتعفط على قلبها وترجع ليه ومرة اخرى تطيح من قيمتها وتمرض راسها عطاتو فرص كثيرة وضيعها وخيب ضنها

هزات دوك الكرطونات وحطاتهم فوق السرير مقررة انها غتشوف اشنو فيهم من اول وحدا تال اخر وحدة كتفتحهم بالترتيب كل وحدة فيها هدية معينة من صغة دالذهب لاشياء عندها معنى والرسالة دائما ما كيكون فيها مدح ليها ولا شعر والتحت سميتو حتى وصلات لاخر وحدة زاحتهم كاملين وقلبها كيضرب هادي هي آخر وحدة سيفطها ليها من العام الفايت مبقا سيفط ليها شي حاجة ستناتو كالعادة فجميع المناسبات ومع ذلك ملقاتش جواب لسؤالها واخا كانت كتحطهم ومكتجاوبوش ولا كتعبرو ولكن حسات بفرق كبير مكرهاتش يبقا كيسيفط ليها باش تزيد تتأكد من حبو هزات الغطا على داك الصندوق الكبير لي على شكل قلب احمر وتصدمات من الشي لي فيه حطات الغطا بعيد
مصدومة من داك التيشورط البيض لي كان ملطخ بالدم من كثرة ماهو قديم ولا قهوي ومبقاش حمر كان مكتوب فيه بدم مجد
" forgive me "

هزات داك التيشورط كتقلب تحتو بهستيرية عقلها حبس كيفاش الدم وعام مرسل ليها والو زعما يكون مات ولكن كفاش بلال قاليها تلاقاه يقدر بلال يكذب عليها باش ميخلعهاش تا تجي وتشوف غاع الاحتمالات طاحو فراسها قلبها رجع كيدق كيدق بجهد خافت خايفة من انو تكون فقداتو بصح والدمووع لي درفات من عيونها كانو كفيلين انهم يسقيو خدودها بدون ما تحس لقات الرسالة الداخل هزاتها ويديها كترعد وفتحاتها كتقرا فيه بتلهف

كتقرا بصوت عالي وفيه شهقات متوالية من البكاء

" حبي ومراتي وأمنيتي

رسلت ليك هاد الرسالة وانا متعب من المحاولات؛ وأنا ندمان من قبل ما تسمحي فيا وتمشي لحد الساعة بغيتك من كل قلبي وخوفي من أنو نخسرك هو لي خلا تعاملي معاك يكون مجنون اه انا مجنون بيك معرفتش كيفاش قدرت نعيش ونتي بعيدة عليا كل هاد المدة ولكن متمسك بحبل وجودك فالدنيا وبلي باقا عايشة معانا وكنستنشقو نفس الهوا غتقولي علاش مكنتش تنعاملك هاكا فاش كنتي معايا وعاد حسيت بقيمتك غنقولك اه حسيت بيها لي بغيتك تعرفي هو اي حاجة درتها فراه ماشي لخاطري كنت ضايع فحياتي ونتي جيتي فطريقي لقيت راسي كنبغيك بلاما نعرف كيفاش ولا وقتاش لقيت راسي كندخلك فمشاكل كبر منك وكنحاول نقنع راسي بلي تا نتي بحال البنات لاخرين بزز .. بغيت غير نعلمك بلي تصرفاتي مكانوش تحت تحكم عقلي مني مكنتش كنكون واعي باش كنت تندير انا كنت تنتعاطا للمخدرات باش ننسا لي داز عليا ونتي كنتي ديما تتجي فطريقي وكنفرغ فيك كلشي واخا ميكونش عندك ذنب انا بلا بيك والو زدت كرهت الحياة من نهار مشيتي وانا داخل فاكتئاب حاد مقدرتش ننقد راسي منوو بغيت نشوفك ولو غير نسمع صوتك وتوقفي معايا وتدعميني بغيتك تسمحي ليا وتخليني ننعس فراحة بغيت ترجعي بين يدي ونشبع من ريحتك وحنانك بغيت نبنيو حياتنا من جديد ونعيش معاك غاع لي بقا من عمري .. خليتي وراك مريض نفسي محتاجك اكثر مريض محتاجك هو انا نتي دوايا و نتي لي غتخلي الحياة ترجع ليا سامحيني.. الا مكتابش نتشاوفو مرة اخرى ذكريني بالخير وكنطلب من ربي ينقي قلبك من جيهتي ولو منقدرش نشوفك مرة اخرى
كنبغيك
مجد ❤".