مؤيد : باباك كيغير على ماماك ونتي علاش مكتغيريش عليا؟
هاتان بصدمة بلعات ريقها وقالت : علاش علاش ا اننغير عليك
مؤيد شد اكبر حامضة فحياتو ندم لاش سولها تزنك وتعصب كلشي تجمع فيه
دور وجهو للجهة لاخرة متكي بلاما يدوي معاها خدا تيليفونو كيبقشش فيه خلاها بلاكة
سكتات مدة حتى سكتاات مقدراتش تسد فمها كتر كيعجبها دردش ودوي كحزات عندو حاطة راسها على كتفو كتشوف اش كيدير فالتيليفون وقالت : شناهي الغيرة ؟
مؤيد دار لعندها حتى راسها ولا عند صدرو وقال : هاتان راه مكنتفلاش زدتي فيه
هاتان كتشوف فيه ببراءة : معاك بصح؟ كيفاش غنغار عليك
مؤيد تنهد مطوال وقال : دابا نتي لا شفتيني مع شي وحدة اخرى باش غتحسي؟
هاتان : عادي ياك كتوقف مع الناس كلهم كدويو وصافي
مؤيد شاف فيها بهدوء وقال : ويلا شفتيني فموقف اخر ؟
هاتان تقادات فالجلسة كتحك على راسها : كيفاش! واش بحال مروة قبيلة شفتها مع شي حد كيديرو شي أصوات غريبة تخلعت
مؤيد وگضاتو ناض جالس حداها وقال : فين هادشي ؟
هاتان : كنت جاية عندك دقيت شحالمن مرة مجاوبتينيش تا كنسمع شي اصوات حسابلي غنالقاك تم ساعة لقيتها هي وداك لي معاها مشفتش وجهو كان الظلام
مؤيد ببرود : ونتي شداك تزحزحي من حدا الباب؟ (كيحاول يبين راسو هادئ وهو العافية شعلات فيه)
هاتان بلعات ريقها خايفة : وكنقلب عليك نتا لي مجاوبتينيش
مؤيد تنهد كيشوف فيها مبدل الموضوع وقال : فاش كنقرب ليك باش تتحسي (كحاز لعندها حاط يدو على حنكها كيشوف فعيونها خلاها تتوثر)
نطقات وعيونها فعينو كيشوفو برهبة : كتشدني التبوريشة شوفاتك ... سكتات مدة وتممات كلامها ... كيخلعو
قرب كثر حتا حط شفايفو على شفايفها وقال وهو كيحركهم : ودابا؟
غمضات عيونها منتافضة : زوين
مؤيد : همممم!
هنا هاتان فقدات صوابها تبنجات على الآخر فاش حسات شفايفو تيتحركو فوق فمها سخان بلاما تحس ولا توعى طلعات فوق رجليه ودفعاتو على المخدة وهو دايب فيديها بحالا كان كيتسناها تبدا غاع ديك القهوة لي شرب باش يبقا صاحي مگراتش فيه معاها
بقا معاها تا نعسات غطاها وباس على راسها كيدوز يدو على شعرها مطول الشوفة فراسو كيضربو مطارق كتيرة شبح ابتسامة زارت تقاسيمو فاش تفكر كيف كانت معاه كيوت وفنفس الوقت صريحة عجبو الحال شغلات تفكيرو كثر
ناض من حداها كيلبس عليه كيطمتو حتا سالا واكتيفا مود تعوبيشة خارج من الجناح كيتمشا بمشيتو الموزونة وحواجبو المعقودين غادي تا وصل قدام واحد الغرفة فتح الباب نيشان داخل كيلقاها مازال سهرانة لابسة دوبياس فالكحل وشعرها جامعاه للفوق حقق فيها الشوفة ميمكنش يفرق بينها وبين مو فالشوفة
أنت تقرأ
أصفاد متملك
Romance✨ مكتملة ✨ ❴روايــــة❵ : ⛓️ أصفـــــــــادُ متمـــلّــك⛓️® * بالدارجة المغربية * بقلم ✍: زجل يلدز 🍂 ⚠️ملحوظة: القصة جزء ثاني لرواية #صمتايامغرورة لكن ممكن متابعتها بدون الرجوع للجزء الاول إذا اردتم⚠️
