أصفاد متملك

البارت #20

فوهلة دارت بيه الدنيا حس بخنجر كتاسح قلبوو وهو كيسمع فدوك التسجيلات عقلو وقف وعيونو حمارو عاد بدات كترجع بيه السينتا للور منهار دخلات هاتان للقصر
وكيفاش فاش تلاقات مروى أول مرة كانت تتقول بلي كتشبه لماماها اميمة ونكرات من بعد كانت شحالمن حاجة كيسمعها منها وكيتغاضا عليها باعتبارها حاجة بسيطة وهوما راه مأشرات كانو خاص يفيقوه نهار قالتلو كنحتافلو كل عام بعيد ميلادي انا وياك .. ونهار قالتلو كنبغيك من زمان وهو كان كيقول هضرتها معندها تا تأويل غير درية صغيرة وكدوي من حماسها وصافي

هادشي كلو دار فراسو حس بخيبة أمل حس بالدنيا دارت بيه حس براسو تخان من أكثر إنسانة كيعزها وكتأثر فيه حتى بدا كلشي تيتقاد وقال بلي ربي غيعوضو ب "أسرة" صغيرة ولات عندو مراتو وحاملة
المرة لي كيبغيها وميقدرش يعيش بلا بيها حاملة بولدو ولا بنتو .. اه كيبغيها معتارفش ليها ولكن هوسو بيها فاق الحدوود مقادرشش هادشي خلا عقلو يقرب يفقد صوابو تحط بين نارين واش يسمع لقلبو ولا لكيانو لروحو لي تأذات بسبابهم لطفولتو لي ضاعت من يدو لحياتو لي كانت نكبة بسبابهم للظلم والقهرة والحگرة والاستعباد لي دوز فالمخيم الرووسي ولد 7 سنييين كانو كيعاملوه كيف الزبل حيت عربي وتخلاو عليه كانو كيفيقوه بسطل دالما ثالج فيامات البرد وهو غير لحيمة صغيرة كانو كيحرقوه ويضربوه ويعذبوه وهو غير صبييي هادشي كلو بسبابهم غمض عيونو لاح دوك الأدلة من يدو مقادرش يدوي

سمع صوتها تتقول : مؤيد واش نجيب ليك شي حاجة تشربها مالك؟

مؤيد دار ليها اشارة بيدو تنصاارف معاوداتهاش معاه كانت كتبتاسم حيت هادشي لي كتسنااا منو بغاتو يفقد تركيزو ويحقد ويخرج سمو كلوو فهاتان بغاتها تموت مكرهاتهاش تمووت وتتهنا منها

بقا مدة على داك الحال عقلو حابس مكيفكر فوالو كيشوف غا تصويرتها بين عيونو مقادرش يتخيل شنو غيدير معاها وفنفس الوقت منساش اش داز عليه

مدة حتا كينوض نوضة وحدة ولي فبالو معالم بيه غير ربي تمشا بخطوات محسوبة طالع للجناح ديالو كل خطوة كتخليه يزيد يخمم فلي غيديرو كثر

وصل لباب الجناح فتح الباب داخل مستأذن موالو كان معصب لأقصى درجة ملامحو مباينينش شوفاتو باردة وعيونو حمراااا السكار طلع ليه بالعصاب كيحس بذاتو كتاكلوو
ومول الانسولين والسكار لا داز من قدامك وهو معصب غا خوي ليه الطريق

دخل لقاهم مجمعين فتيليفون كيسمعهم داويين مع باهم مقدرش يزيد يسمع كثر ولا غير يشوف فيهم دخل نيشان للبيت لي فالداخل دالجناح وسد الباب وراه بالجهد

هاتان وجوانا تصدمو عرفو شي حاجة طارية قطعو مع سلاف بلاما يبينو ليها ونطقات هاتان : غير سيري انا غندوي معاه غتكون معصباه الخدمة..

جوانا حركات راسها بايجاب وقالت : متخبي عليا والو صافي

هاتان حركات ليها راسها كتسناها تخرج باش دخل تشوفو مالو مخلوعة عليه من الطريقة باش دخل ما موالفاهش هكاك