[Unicode]
အခန်း(၂): Rainbow Farts
သားရဲများသည် မွေးဖွားလာကတည်းက အန္တရာယ်ကို ကြိုသိနိုင်ကြ၏။ ဝမ်မင်ယွီသည် သားရဲအစစ်တစ်ကောင်မဟုတ်သော်လည်း အိုမီဂါများတွင် ရှိသည့် ယင်းတို့၏ပင်ကိုယ်သားရဲပုံစံကြောင့် သားရဲအသွင်အပြင်အနည်းငယ်ရှိသေးသည်။
နားရွက်ကျယုန်လေးများသည် အလွန်ရှက်တတ်ပြီး မည်မျှပင်သေးငယ်သည်ဖြစ်စေ လှုပ်ရှားမှုတစ်ခုခုကြောင့် ထိတ်လန့်သွားနိုင်သည်။ ခြိမ်းခြောက်နိုင်တဲ့ သားရဲကောင်ကြီးတွေနဲ့ ထိပ်တိုက်တွေ့ဖို့ နေနေသာသာ ထိတ်လန့်နိုင်ပေ၏။ ဝမ်မင်ယွီသည်လည်း သဘာဝရန်သူနှင့် ရင်ဆိုင်ရသကဲ့သို့ ခေါင်းမှ ခြေဖျားအထိ တောင့်တင်းနေခဲ့သည်။ ခြောက်သွေ့သော မြေပေါ်သို့ လဲကျသွားတာကြောင့် နာကျင်သွားရသည်မှာ သေလုမျောပါးပင်။လွန်ခဲ့သည့်ရက်အနည်းငယ်တွင် ဝမ်မင်ယွီသည် ငါးဆားနူတစ်ကောင်ပဲ လုပ်နေခဲ့သည်မဟုတ်။သူ နန်းတွင်းအစေခံများထံမှ သတင်းရယူရန် လျှို့ဝှက်စုံစမ်းခဲ့သော်လည်း သူတို့သည် အလွန်နှုတ်လုံကြသည်။ သူ အိမ်တော်ဆီကနေ သိလာခဲ့ရသည့် ဟိုနည်းနည်း သည်နည်းနည်း အတင်းအဖျင်းတွေနှင့် သူ့ အသိစိတ်ထဲက မှတ်ဉာဏ်အချို့ကိုသာ မှီခိုရသည်။
ရှေးခေတ်က လက်ရေးစာမူ အများအပြား ထားရှိရန် အလှမ်းဝေးလွန်းသော်လည်း အချို့သော မှတ်တမ်းများကိုတော့ ဆက်လက် ထိန်းသိမ်းထားနိုင်ဆဲ ဖြစ်သည်။
အာဏာရှင်ကြီး ညီလာခံတက်နေချိန်မှာ ဝန်ကြီးတစ်ယောက်က သူ့ကို မထီမဲ့မြင်ပြုပြီး ဒေါသထွက်စေသည့်အရာတစ်ခုကို ပြောခဲ့ကာ သူ့ကို ဒေါသထွက်စေခဲ့တယ်လို့ ဆိုသည်။တစ်စက္ကန့်အတွင်း အာဏာရှင်ကြီးသည် အရပ်ဘက်နှင့် စစ်ဘက်ရေးရာ ဝန်ကြီးကို အေးအေးဆေးဆေးနှင့် တည်ငြိမ်သော အမူအရာဖြင့် စိုက်ကြည့်နေပြီး နောက်တစ်စက္ကန့်တွင် သူ့မျက်လုံးများသည် လူသစ်တစ်ယောက်အဖြစ် ပြောင်းလဲသွားသကဲ့သို့ နီရဲသွားသည်။
သူ့မျက်နှာမှာ စိတ်ရူးပေါက်မှုကြောင့် အနေအထားပျက်နေပြီး သူ့ရဲ့ရန်ငြိုးထားမှုမှာလည်း ဆိုးရွားလာလေသည်။ သူ အစောင့်၏ဓားကို ချက်ချင်းဆွဲယူ၍ တိခနဲဖြတ်ချကာ မြေပြင်ပေါ် သွေးများယိုစီးကျသွားသည်အထိ နေရာမှာတင် သတ်ပစ်လိုက်လေသည်။ ခန်းမကြီးတစ်ခုလုံး အလွန်တိတ်ဆိတ်သွားတော့၏။ နန်းတွင်းအရာရှိကြီးတွေမှာ ထိတ်လန့်ပြီး နောက်ထပ်အလောင်းတွေဖြစ်လာမှာကို ကြောက်၍ ဘာမှ ထပ်မပြောရဲတော့ပေ။
YOU ARE READING
ဧကရာဇ်ကြီးရဲ့ အနှစ်သက်ဆုံး ကိုယ်လုပ်တော်လေးက အိုတစ်ယောက်ပဲ||မြန်မာဘာသာပြန်||
RomanceThis is just a fan translation.I don't own this novel.All Credit to Original Author & Eng Translator \^•^/ Title - the emperor's favorite concubine is an O Original Author - Gu ZhiJun Eng Translator - CHRYSANTHEMUM GARDEN Total - 97 chapters START...