[Unicode]
အခန်း(၈): ယုန်စိတ်တို
သူ စာလည်း မဖတ်တတ် ရေးလည်း မရေးတတ်ကြောင်း ပြောလိုက်ပြီးနောက် အာဏာရှင်ကြီးက သူ့အတွက် ဆရာတစ်ယောက် စီစဉ်ပေးမယ်မှန်း မထင်ထားခဲ့ပေ။ ဒါဆိုရင်တော့ သူ မြန်မြန်ဆန်ဆန် သင်ယူပြီးနောက် အစီရင်ခံစာတွေကို ဖတ်နိုင်လာလိမ့်မည်။
မုကျန်းက သူ့ကို ဘာလို့ အစီရင်ခံစာတွေကို ရွတ်ဖတ်ခိုင်းမှန်း နားမလည်ပေ။ 'သူက ယုံကြည်ရတဲ့ ပညာတတ်အမှုထမ်းတစ်ယောက်ကို လိုချင်လို့များလား?'
မည်သို့ပင်ဆိုစေကာမူ ဒါက ဝမ်မင်ယွီအတွက် အပြုသဘောဆောင်သည့် ရလဒ်တစ်ခုလည်းဖြစ်သည်။
ဘာဆိုဘာမှ မသိတဲ့ ဒီခေတ်ကြီးထဲမှာ အသိပညာနည်းနည်းလေးပိုသိလိုက်တာက သူ့ဘာသာသူ ရှင်သန်ရပ်တည်နိုင်ရန် အကျိုးရှိမည် ဖြစ်သည်။"ကျေးဇူးတင်ပါတယ် အရှင်။ အရှင်က အရမ်းရက်ရောတာပဲ!”
ယခု လက်ရှိအချိန်မှာတော့ ဝမ်မင်ယွီသည် အမှန်တကယ် လိမ်ညာနေခဲ့ခြင်း မဟုတ်ခဲ့ပေ။အခုတစ်ခေါက်အတွက်တော့ ဝမ်မင်ယွီသည် မုကျန်းကို လှိုက်လှိုက်လှဲလှဲ ကျေးဇူးတင်ခဲ့ပြီး အဲလိုသာ လုပ်ပေးမည်ဆိုပါက သူ့အတွက် အများကြီးအကျိုးရှိစေမည်မှာ အမှန်ပင်။
ဝမ်မင်ယွီရဲ့ တောက်ပကြည်လင်တဲ့ မျက်လုံးလေးများက မျက်ဝန်းထဲ၌ ကြယ်တွေကို သိမ်းထားသည့်အလား မုကျန်းကို ကြည့်နေပြီး သူ့အပြုံးမှာလည်း အလွန်ချိုမြိန်နေသည်။နူးညံ့တဲ့ မုန့်ပိုင်းလေးကို တစ်ချက်ကိုက်လိုက်သည်နှင့် ချိုမြိန်သည့်အရသာများ စိမ့်ထွက်နေသယောင်။
မုကျန်း အနည်းငယ်ပင် ကြောင်အသွားရသည်။ နှစ်ခါပြန်ကြည့်ပြီးနောက် သူ မျက်လုံးကို လွှဲလိုက်မိသည်။
"လေ့လာဖို့က ဘယ်လောက်ကြာမှာလဲ?တစ်လဆိုရင်ရော?
ဝမ်မင်ယွီမှာ ထိုမထင်မှတ်ထားသောမေးခွန်းအတွက် ဆွံ့အသွားရသည်။
'ဒီအာဏာရှင်ကြီးက သူ့ကို မညှာမတာ တောင်းဆိုနေတာ မဟုတ်ဘူးလား?ဘာသာစကားအသစ်တစ်ခုကို ကျွမ်းကျင်ဖို့ တစ်လ! ဒီကိုယ်လုပ်တော်လေး မလုပ်နိုင်ပါဘူး။'
YOU ARE READING
ဧကရာဇ်ကြီးရဲ့ အနှစ်သက်ဆုံး ကိုယ်လုပ်တော်လေးက အိုတစ်ယောက်ပဲ||မြန်မာဘာသာပြန်||
RomanceThis is just a fan translation.I don't own this novel.All Credit to Original Author & Eng Translator \^•^/ Title - the emperor's favorite concubine is an O Original Author - Gu ZhiJun Eng Translator - CHRYSANTHEMUM GARDEN Total - 97 chapters START...