[Unicode]
အခန်း(၁၅):မြင်းစီးခြင်း
တော်ဝင်အမိန့်ပြန်တမ်းအရ ရုန်ကောင်းကုန်းနှင့် သူ့မိသားစုတစ်စုလုံးကို ကွပ်မျက်ခံခဲ့ရသည်။
စည်းစိမ်ဥစ္စာ၊ ဂုဏ်ကျက်သရေတွေ အပြည့်နှင့် ထိပ်မှာ ထိုင်နေသူတစ်ယောက်တစ်ဖြစ် တစ်ချိန်က အထင်ကြီးလေးစားခံခဲ့ရတဲ့ မင်းဆက်သုံးဆက်ရဲ့ အရာရှိဟောင်းတစ်ဦးဟာ တစ်ညတည်းနဲ့ လုံးလုံးလျားလျား အနိုင်ယူခံလိုက်ရပြီး မြေပြင်မှာ သွေးစွန်းကွက်တွေသာ ကျန်ရစ်နေခဲ့သည်။
အနှီရုတ်တရက်အဖြစ်အပျက်ကြောင့် တရားရုံးတော်မှာ အတော်လေး ကယက်ရိုက်ခတ်သွားခဲ့သည်။အထိခိုက်ဆုံးမှာ ရုန်ကောင်းကုန်း၏အဖွဲ့ပင်။မုကျန်း ထီးနန်းတက်လာခဲ့သည်မှာ တရားမျှတမှုမရှိဟု ယုံကြည်ထားကြသည်။သူတို့ မကျေနပ်ကြသဖြင့် လှည့်ကွက်လေးတွေဖြင့် မသိမသာ စစ်ထိုးနေကြသည်။မုကျန်းက အမှုထမ်းဟောင်းများကို ကြောက်ရွံ့နေမည်ဟု ယူဆကြပြီး သူတို့ဘက်တွင်လည်း ဆွဲဆောင်နိုင်စေရန် နည်းလမ်းများ ရှာဖွေထားသောကြောင့် သူတို့အနေဖြင့် အနည်းငယ် မာနကြီးလာပြီး ဘဝင်မြင့်သွားခဲ့သည်။ သို့သော် ယခုအခိုက်အတန့်တွင် သူတို့အားလုံးသည် မုကျန်း၏လက်ဦးမှုကို မြင်သွားကြသည်။
မုကျန်းသည် ပြိုလဲသွားပြီဖြစ်တဲ့ ရုန်ကောင်းကုန်း၏ရာဇဝတ်မှုတွေ၊ ပြစ်မှုတွေ တစ်ပုံတစ်ခေါင်းကြီးကို သေသေချာချာ မှတ်တမ်းတင်ထားသည်။ ငယ်ရွယ်နုပျိုတဲ့ ဘုရင်အသစ်က သူတို့ကို မကြောက်ဘဲ၊ သနားညှာတာမှုကင်းသော နည်းလမ်းဖြင့် သုတ်သင်နိုင်စွမ်းရှိလေသည်။ ခဏလောက်တော့ သူတို့သည် ကြိုးစင်အတင်ခံရမယ့် နောက်ထပ်သားကောင်တွေ ဖြစ်လာမည်ကို ကြောက်တဲ့အတွက် အခွံထဲမှာ ပုန်းနေတဲ့ လိပ်တွေလိုပဲ နေနေကြတော့သည်။
ထိုအဖြစ်အပျက်များကို နန်းတွင်းထဲ၌နေထိုင်တဲ့ ဝမ်မင်ယွီကတော့ လုံးဝမသိလိုက်ပေ။
သူကတော့ ကိုယ်ခံပညာအတန်းသို့ တက်ရောက်ရန် စိတ်အားထက်သန်နေခဲ့သည်။ သူအနေနဲ့ ကိုယ်ခံပညာကို သင်ယူဖို့ ဆန့်ကျင်လိုစိတ်မရှိသော်လည်း သူ့ရဲ့ဆရာမှာ မုကျန်း မဟုတ်ပါက များစွာသော ဖိစီးမှုအောက်တွင် ရှိနေမည် မဟုတ်။ကိုယ်ခံပညာနယ်ပယ်သည် ကျယ်ပြောလှပြီး လေ့ကျင့်ရန် နေရာကျယ်ကျယ် လိုအပ်သည်။
YOU ARE READING
ဧကရာဇ်ကြီးရဲ့ အနှစ်သက်ဆုံး ကိုယ်လုပ်တော်လေးက အိုတစ်ယောက်ပဲ||မြန်မာဘာသာပြန်||
RomanceThis is just a fan translation.I don't own this novel.All Credit to Original Author & Eng Translator \^•^/ Title - the emperor's favorite concubine is an O Original Author - Gu ZhiJun Eng Translator - CHRYSANTHEMUM GARDEN Total - 97 chapters START...