အပြာရောင် အရေးအသားများ (18+)

အထက်တန်းကျောင်းက အတင်းအဖျင်း (၁၉)

T/N: ကဲဇာတ်လမ်းမစခင် စိတ်ကူးလို့ကောင်းအောင် Main character castတွေပါ။

အိဗန်အဖြစ် Troye Sivanကို ရွေးထားပါတယ်။

ဒဲရက်အဖြစ်ကတော့ Jacob Bixenmanပါ

အီဗန့်POV

"ဒဲရက် မင်း အဲ့လိုမျိုးမျက်နှာကြီးလုပ်နေရင်းနဲ့ အမြဲအဲ့လိုဖြစ်သွားတော့မယ်"

"ပါးစပ်ပိတ်ထား" သူက ဘယ်ညာကို မျက်စောင်းထိုးရင်း ကျောင်း‌ဟောခန်းကိုဖြတ်လာတယ်။ ကျနော် သက်ပြင်းချလိုက်တယ်။ တကယ်ပဲ ဒဲရက်က ဆင်ခြင်တာမရှိဘူး။ သူ အဲ့မျက်နှာကြီးနဲ့ လူတွေကို ခြောက်လန့်နေတာကို သတိမထားမိဘူး။ သူ့အကြောင်းကို သိတာမို့ တမင်သက်သက်လုပ်မှန်းတော့ သိတယ်။

ကျနော် လမ်းလျှောက်တာရပ်ပြီး သူ့လက်ကောက်ဝတ်ကို ဆွဲပြီး သူ့ကိုပါ တန့်လိုက်တယ်။ ဒဲရက်က မျက်မှောင်ကုတ်တော့ ကျနော် သူ့မျက်နှာပေါ်က မျက်လုံးနှစ်လုံးကြား ကုတ်ထားတဲ့ မျက်မှောင်ကို ပြန်ဖြောင့်လိုက်တယ်။
"မျက်မှောင်ကြီး အဲ့လောက် ကုတ်မနေပါနဲ့။ တခြားလူတွေကို ဘာမှ ဂရုစိုက်စရာမှ မလိုတာ"

သူက ကျနော့်ကို ကာကွယ်နေတယ်ဆိုတာကျနော်သိတယ်။ ကျနော်တို့ကို ရယ်စရာလို့မြင်တဲ့လူတိုင်းကို မျက်စောင်းလိုက်ထိုးနေပြီးတော့။ အခုမှ တနင်္လာမနက်ပဲ ရှိသေးတယ်။ သူက စစ်ပွဲအတွက် အဆင်သင့် ပြင်ထားပြီးပြီ။ အခုက စပြီး အမြဲတမ်း အဲ့လို ဖြစ်နေတော့မှာလား။