Memory (Completed)

Memory👉11👈

"Happy Birthday Lili ပျော်ရွှင်စရာ ဆယ့်သုံးနှစ်ပြည့်မွေးနေ့လေးဖြစ်ပါစေနော် ပြီးတော့ ငါ့အပေါ်မှာလည်း အရင်ထပ်မကပိုပြီးအလိုလိုက်နိုင်ပါစေ ဟီးဟီး နောက်ပြီး ငါ့အနားမှာအမြဲရှိနေပေးလို့ ကျေးဇူးအများကြီးတင်တယ်နော် ဘာလိုလိုနဲ့ ငါတို့တွေတောင်အသက်တစ်နှစ်ပိုကြီးလာပြီဘဲ ဒီနှစ်တွေအတွင်းနင့်ကြောင့် ငါအများကြီးပျော်ရွှင်ခဲ့ရပါတယ် နင်က ငါ့ဘဝရဲ့အကောင်းဆုံးသောလူတစ်ယောက်ပါ ငါ့ဘဝအတွက်နင့်ကိုလိုအပ်တယ်Lili ဒါကြောင့်ငါ့အနားမှာအမြဲနေပေးပါနော် မဟုတ်ဘူးနေကိုနေပေးရမယ် နောက်ပြီး ငါတို့နှစ်ယောက်ရဲ့မွေးနေ့တွေရောက်တိုင်း အတူတူဖြတ်သန်းကြမယ်နော် ငါစာတွေအများကြီးရေးလိုက်မိတာဘဲ လက်ဆောင်ကိုတော့မနက်မှပေးမယ်နော် ကောင်းကောင်းအိပ်ပါlili goodnight💛"

မွေးနေ့‌ရောက်တိုင်း ညဆယ့်နှစ် နာရီထိုးတာနဲ့ သူမ ဆီကအခုလိုစာလေးတွေဝင်လာတတ်သည်

အင်း ဒီတစ်ခါက အရှည်ဆုံးဆိုပါတော့
ငါမအိပ်သေးဘူးniniရဲ့ နင့်ဆီကမွေးနေ့ဆုတောင်းကိုစောင့်နေလို့လေ

အချိန်တိကျသူလေးဟာနာရီလက်တံဆယ့်နှစ်ရောက်တာနဲ့ တိန် ဆိုပြီး messageလေးကဝင်လာမြဲဘဲ

တကယ်ကိုကြည်နူးရပါတယ် မင်းရဲ့စာလေးကြောင့် ငါ့မျက်နှာပေါ်ကအပြုံးတွေတောင်ဖျောက်လို့မရတော့ဘူး

အမိန့်ပေးလိုက်တောင်းဆိုလိုက်နဲ့ မင်းကဘာလေးလဲni

ဒါပေါ့ niရယ် နှောင်နှစ်တွေအထိ ငါကမင်းနဲ့အတူရှိနေမှာပါ မင်းငါ့ကိုလိုအပ်နေသ၍ပေါ့

အင်း လိုချင်တာလည်းရပြီဆိုတော့ အိပ်ဖို့အချိန်တန်ပြီပေါ့
ဖုန်းကို ဘေးကစာရေးစားပွဲပေါ်လှမ်းတင်လိုက်ပြီး မျက်လုံးတွေကိုမှေးစက်ထားလိုက်သည်

မျက်လုံးတွေမှိတ်သွားပေမဲ့ အပြုံးတွေကတော့ မအိပ်ချင်သေးဘူးထင်ပါရဲ့ ခက်ပါ့niရယ် မင်းကြောင့် ငါအိပ်မပျော်တော့ပြန်ဘူး

*******
"Happy Birthday Lili ရော့ ဒါကငါ့ရဲ့မွေးနေ့လက်ဆောင်"

မကြီးမသေးဗူးလေးတစ်ဗူးကိုကျွန်မဆီထိုးပေးရင်း ချယ်ကပြောလာသည်