اهلين حبايبي .. اتمنى انكم بخير
اعرف انها فتره اختبارات واكيد معظمكم مشغول بالدراسه لكن حبيت التزم بوقت النشر رغم الظروف
,, بارت خفيف لطيف حبيت اشارككم فيه اتمنى يعجبكم
ياليت الي يقرا البارتات يصوت عليها عشان اعرف بمروركم الجميل ويقوى شغفي حتى اصنع المزيد
بالتوفيق يا حلوين ..
كُنت أبحِث عَن مأوىٰ الُوذَ بهِ
صُدفةٌ وَجدَّتهُ ، لَمِحتُ فِي عَّيناِهَ مَلاذِي.
في بدايه يوم جديد من ايام الجامعه
الكل يتمشى ويسولف مع بعضه وبعضهم اتجهو لمحاضراتهم وبعضهم لسا ما صحصحو
على مقعد في بهو الجامعه
لوجين : غريبه وينه ريان للحين ما جا
عدي : تلقاه بالطريق ما احس انه من الطلاب الي يغيبون عن الجامعه باين عليه نيرد
لوجين : بالله اتصل شوفه وينه لا يكون صاير معاه شي
عدي رفع الجوال واتصل على ريان الي بدوره كان لسا نايم وفيه خمول وتعب رهيب
ريان مرر يده على السرير لين حصل الجوال ورد منغير لا يشوف الاسم وحطه على اذنه
ريان : امممم
عدي : وش اممم؟ توك ما صحيت ؟ يا ريان اتأخرت قوم اصحى يلاه المحاضره شوي وتبدا
ريان فتح عيونه وشاف الساعه من الجوال : اوووف اتأخرت يلاه شوي واكون عندكم
سكر الجوال وبسرعه قام وجهز نفسه واخذ جواله ومشى بسرعه نزل للسياره منغير لا يفطر وركب السياره مع السواق ومشت السياره
بهالاثناء فتح جواله وشاف رساله من لوسيفر الانسان الاقرب لقلبه الي قدر يوصل لاعماقه منغير لا يعرف حتى اسمه
الرساله : صباح الخير يا وجه الخير اتمنى لك يوم جديد سعيد بالجامعه
ريان رد : ما اتوقع انه راح يكون سعيد توي بثاني يوم ومتأخر حيل
جاه الرد بسرعه : افاا ليش متأخر؟ سوالك شي ذاك الكلب؟
ريان : لا بس الي سواه امس كافي
رد عليه : الله يلعنه من رجال هذا مو محسوب ع البشريه
ريان اتنهد : امين يارب
لوسيفر: المهم انت فكر ب ايجابيه وخلك متفائل واهم شي الحين تبدا يومك باشياء جميله عشان تعدل المزاج
ريان : ايوا عشان كذا بديت يومي فيك
لوسيفر : اوووه اجل بتعيش يوم تحفه
ريان : ايامي معاك كلها تحفه
لوسيفر : يا حبي لك انت وكلامك الجميل .. المهم لا تنسى الي قلتلك عليه امس وخلك قدامه قوي لا تظهرله ضعفك هو يحب يشوفك ضعيف
ريان : انشالله ولا يهمك
......
بمكان اخر بالجامعه وتحديدا على طاوله من طاولات المقهى كان قاعد سيلفا ومعاه سدن والعنود وريم
سيلفا متكي يده على الطاوله ومسند راسه على يده وعافط وجهه ونايم
وسدن وريم والعنود يسولفون سوالفهم الي ما تخلص
سدن ناظرت سيلفا : يماا شفيه هذا؟ ليه كذا نايم ؟
ريم : بس كيوووت شوفي كيف خدوده معفوطه حبييت
العنود : بنات شرايكم اظفر شعره طالما نايم
سدن وريم : اسكتييي
رفعت ريم جوالها بغت تصوره بس بنفس الوقت وصل مؤيد وليو قرب مؤيد من سيلفا واعطاه ضربه على راسه عشان يقوم
سيلفا نقز وقام فجاه يناظر حوله
مؤيد : وينك انت امس وينك؟ ندورك زي الاطفال التايهين؟ ما عندك بيت انت ما عندك اهل؟
سيلفا يتمطى ورجع اتكى راسه على الطاوله: خليني انام شوي بس وبعدين نتفاهم
مؤيد ضربه ضربه ثانيه : قوم قاعد اكلمك
ليو مسك يد مؤيد : خلاص اتركه
مؤيد : وش الي اتركه خير وانت لا تسوي فيها الام البريئه قم اضربه معاي يستاهل
سيلفا رفع راسه عن الطاوله وقال : بتسكت ولا اسكتك؟
مؤيد : قول اول وين كنت؟؟
سيلفا اتمطى بكل راحه وقال بصوت عالي
شوي : كنت مخطوووف
البنات ضحكو مو مصدقين وليو ومؤيد يبون سيلفا يخلص سماجه
مؤيد : هاهاها يلاه كلنا ضحكنا قول وين كنت
سيلفا بكل برود وهو يلعب برباط الجكيت الي هو لابسه : ولله كنت مخطوف كانت الدوله مستضيفتني
كلهم سدن وريم والعنود ومؤيد وليو بنفس الوقت قالو نفس الكلمه بصدمه : اييييشششش؟؟
.........
