اهلين يا حلوين
بالرغم من اني متقيده بيوم الجمعه ك موعد نشر البارتات الجديده لكن لقيت اني خلصت البارت بدري وما حبيت اخليكم تنتظرو اكثر
استمتعو وانجوي واحبببكمم ♥️♥️
كَان حُبك كَاللعنِه التيِ حَلِت عَلي وَعلى خَافقيِ وانا
اعشِق هَذه اللعنِه لأنهَا انتَ.
-
...
فلاش باك
قاعد على احد الكنب المخصص للطلاب في بهو الجامعه لحاله بعد ما خلص حديثه مع المدير وطلع من عنده والي رايح والي جاي يناظرله وهو ماسك جواله ولا هامه احد لين اتجرأت احد البنات واتحدت صديقتها وقامت تحاول تكلمه ف مشت ب اتجاهه وقعدت جنبه بعد ما سلمت عليه وهو بالمقابل رفع عينه عن الجوال وناظرلها بنظره من فوق لتحت وخزها وابتسم وبعدها رد عليها السلام بس ما لحقت تقعد معاه وتسولف الا وجاها من بعيد ساجي وهو يكلمها
: يا رنا انتي ما تتوبي من حركاتك مع الاولاد اتركي الولد فحاله توه جديد
وبعدها ناظرله : معلش اعذرنا هي شوي خفيفه مع الشباب الحلوين
بالمقابل رفع عينه عن الجوال وناظرله وبعدها رجع ناظر الجوال
مد يده يسلم : انا ساجي
ناظر يده الي ممدوده له ب غرور وما مد يده بالمقابل اكتفى ب انه يقول : وانا جايكوب
ساجي كان خاقق حرفيا وكل مشاعره اتحركت لما سمع صوت جايكوب العميق والخشن والي موضح كميه الرجوله والفخامه الي فيه
وما انتظر من جايكوب يقوله يجلس هو جلس من نفسه وعيونه ما انشالت عن هذا الانسان الي قدامه بالمقابل جايكوب ما رفع عينه عليه ابدا
ساجي وهو متحمس لانه قاعد مع الطالب الجديد الي مخقق الجامعه والي رايح والي جاي يناظرله ويناظر جايكوب قرر يبدا سوالف معه بس سرعان ما فتح فمه عشان يتكلم الا كان جايكوب اسرع منه وقاله وهو عينه بجواله : تعرف طالبين بالجامعه اسمهم ليو وسيلفا ال****
ساجي استغرب من سؤاله هو طالب جديد ايش عرفه ب سليفا وليو وليه اول سؤال سألني ياه كان عنهم ف جاوبه ضمن تساؤلاته الكثيره : ايوا مره مشهورين عندنا كل الجامعه تعرفهم بس انا شخصيا ما احبهم ويقهروني بزياده كيف الناس تحبهم ويخقون عليهم وكأنهم جايين من الجنه ولله يعع صراحه
بهالاثناء جايكوب كان قاعد يسمعله وهو عينه بالجوال وما اعطاه اي اهتمام ولما خلص ساجي من حلطمته عليهم كل الي رده عليه كان : طول بالك "بتسليك"
بس ساجي ما حس انه سفهه يكفيه انه جاوبه ولو بكلمات بسيطه
واصل من الخقه اخر مراحلها
ساجي : امم .. تبي قهوه؟ بروح اجيبلك ؟ ايش تشرب؟
جايكوب : دبل اسبريسو
ساجي ضحك : اووه يا قوي .. الحين عرفت سر فخامه صوتك
جايكوب ناظرله : هاا؟
ساجي : لا ولا شي بروح اجيب القهوه
جايكوب ما جاوبه حتى وراح ساجي وهو كله حماس ومبسوط
......
على طاوله من طاولات المقهى
قاعدين ريان ولوجين على جوالاتهم يكتبون بينما عدي حاط قدامه لابتوبه وايباده واوراق كثيره وقاعد يذاكر ويحل
وريان ولوجين ماسكين الجوالات ومبتسمين
ريان كان ب محادثه مع لوسيفر
لوسيفر : من ١ الى ١٠ كم نسبه حماسك للمفاجاه؟
ريان : مليووون
لوسيفر : انا واثق انها راح تعجبك
ريان : اي شي منك اكيد بيعجبني
رفع راسه عدي عن الورق وشافهم اثنينهم على جوالاتهم
عدي بصوت عالي : خيييررر خيييررر ؟ شعندكم كل واحد على جواله وانا تاركيني اسوي المشروع لحالي
ضحك لوجين ورفع راسه : تعاهدنا على السير معا بس سحبنا عليك سوري هههه
ريان ضحك وترك جواله على جنب عشان عدي لا يزعل
ولوجين سوا نفس الحركه وبدو يتعاونو على المشروع مع بعض
.....
