وعرفتُ أن الأشياء دومًا مهددة بالغياب، وأنهُ ذات يوم كانَ هنا في هذا المكان حيث لن يكون أبدًا مرة أخرى ..
-
: دماغه اتأثرت بشكل كبير جدا .. احنا سوينا الي نقدر عليه بسس... كونو مستعدين لأي شي ... احتمال الغيبوبه مره كبير ولسا لحد الان ما اتخطى الخطر ولازم يكون تحت المراقبه لل٤٨ ساعه القادمه
"ناظر سند وتكلم" الشخص الي راح يصحى راح يكون مختلف عن الشخص الي دخل لهالغرفه
قاطعه مؤيد وقال : كيف يعني؟
مجد تكلم : يعني احتمال الشلل مره كبير سواء كان جزئي او كلي وبرضو احتمال فقدان الذاكره وارد ف كونو مستعدين لأي شي
جا هالكلام على مسامعهم وكانه رصاص واختلفت ردات فعلهم عن بعض فيه الي وقف مصدوم وفيه الي مسك راسه والي اغمض عيونه لكن رده فعل ليو كانت اقواهم لما صرخ باسم اخوه صرخه شهدت عليها جدران المشفى كلها من اولها لاخرها
كان المه مسيطر عليه وخصوصا بهاللحظه ودموع عينه احتضنت وجهه والاحمرار ظهر عليه
ومن بينهم كلهم هو الوحيد الي ما قدر يحمل الخبر وهو واقف كان ثقيل على قلبه وعقله وبدا يحس بثقل جسمه على رجوله ف طاح بالارض على ركبتيه
ومع ان جايكوب حاول يمسكه وريان لكن كان المه اكبر وقعدته بالارض افضل له
وبكاءه الي اصبح واضح وصوته عالي وشهقاته الي اصبحت مسموعه
كان صراخه صاخب وعالي وهو ينطق باسم اخوه وكانه مو مصدق الي قاعد يصير وحط يديه على راسه وهو يهزه بالانكار ما يبي يصدق ولا قادر يستوعب الي قاعد يصير اضافه على ذلك اوجاعه الي ما انتهت ابدا والطنين الي مصاحبه من لما صار حادث اخوه
اما بالنسبه لسند كان لايزال محافظ على ثباته واقف ضمنهم كلهم لكن بشعوره هو لحاله
بدت الاصوات حوله تصير مبهمه وبان على وجهه ضياعه بالفراغ
منغير لا يرمش عينه طاحت دمعته لكن سرعان ما رفع يده ومسحها والثبات لا يزال واضح على مشاعره
كان فيه صوت يناديه وبكل مره ينطق اسمه لكن كان بالنسبه لسند صوت بعيد ومو واضح وبدا يقرب الصوت اكثر واكثر حتى لمست يد بكتفه وبسرعه بهاللحظه التفت سند وناظر جنبه حتى ظهرله زيدان
ونطق : سند .. تو وصلني الخبر .. وش صاير؟
سند ناظرله وكأنه بهاللحظه نسى كل شي سيء جمعه مع زيدان لانه حرفيا بهاللحظه كان كل الي يبيه كتف يستند عليه وحضن يحتويه
ارخى ملامحه لما شافه وابتسم باستسلام
: يقول ان سيلفا الي راح يصحى مو نفس سيلفا الي دخل لهالغرفه
قرب زيدان وحاوط كتفه وشد يده عليه واتنهد ونطق : راح يكون احسن .. انا متأكد
نطق بمكان اخر مويد الي كان لا يزال واقف مع اخوه : ط..طيب نقدر نشوفه؟
مجد : بعد شوي بينقلوه للعنايه المركزه تقدرو تشوفوه هناك
هز مؤيد راسه وتكلم مجد : لكن مؤيد .. كون قوي .شوف الكل بحاجتك عشان تقويهم
مؤيد لاخر لحظه كان ماسك دموعه حتى سمع كلام اخوه وطاحت دموعه وتكلم بخنقه : وانا من الي يقويني؟
مجد صعب عليه موقف اخوه وقرب منه واحتضنه محاول بحضنه يخفف عن اخوه الم النار الي جواه
بينما عند زيدان وسند بعد ما كانو اثنينهم واقفين ويناظرون باب غرفه العمليات
زيدان : رصدت الكاميرات ان الحادث كان بسبب السياره الي كانت قدامه
سند همهم لكن زيدان اكمل على كلامه
:سائق السياره فجاه قرر يوقف قدامه على طريق سريع بدون سابق انذار
ناظرله سند وبالرغم من نظراته الي كانت موضحه كميه التعب النفسي الي بداخله كانت نظره ريبه بادله اياها زيدان ونطق : سوي كل الي تقدر عليه واطلب من الامن الجنائي التحقيق .. يمكن ما يكون مجرد حادث احتمال كبير انها جريمه
سند سرح بنظره بالفراغ وهو يفكر بكلام زيدان وانه فعلا منطقي
.......
