اخباركم يا حلوين ؟؟
اتمنى تكونو بخير
بارت جديد دسم وطويل حتى تستمتعو لاخر رمق
انجووي
- ولكن، كيف يمكن الهروب من الم الفقد؟ كيف يمكن حتى التوصل لاستيعاب كلمة "غياب
-
رفع عينه عن الورقه وواضح عليه الصدمه وبدت عيونه تصير حمراء اثر الصدمه الهائله الي جاته
ناظر سند نظره صدمه مصحوبه بترجي وكأنه يقوله( ارجوك لا تكون هالورقه لك)
بينما سند وبعد ما كانت الابتسامه على وجهه وواضح انه مرتاح اتغيرت ملامحه لتصبح ملامح غبنه واحس انه خلاص لا مهرب ف ارخى ملامحه وهو يناظر سيلفا الي كانت نظراته بين الورقه وبين وجه سند
مو قادر يستوعب ولا قادر يتقبل حجم الصدمه الي جاته وبدت الرجفه بجسمه ويده تزيد ونطق بصوت يرجف : هذا ايش؟
سند اخذ نفس عميق وهو الثاني ما كانت رجفته اقل من رجفه سيلفا وهنا قرر انه لا معنى من الانكار اكثر وقرر يعترف ونطق بصعوبه : سجل عائلتي
سيلفا بدت عيونه تلمع اثر الدموع وقال بصوت مخنوق : ايش؟
يحاول يتاكد من الي سمعه والي شافه ولاخر رمق يبي يكون كل هذا كذب يبيه يكون مقلب او حلم ما تفرق اي شي الا انه يكون حقيقه
نطق سند بعد ما اتنهد وناظر عيونه : هذا سجل عائلتي
سيلفا اشار على الورقه وكانت دموعه اتجمعت بعينه : هذوله ... اولادك؟
سند هز راسه بالايجاب وهو حاس بعظم خطيئته
بينما سيلفا كانت جاته كميه صدمات ب اخر فتره كفيله ب انها تقسي قلبه وقدر يسيطر على رده فعله وبهاللحظه ضحك
ضحك ذيك الضحكه الي فيها الكثير من المعاني المؤلمه
ضحكه يعبر فيها عن الم الطعنه الي جاته الي كانت ما تشبه كل الالام الماضيه الي احس فيها
بدأ قلبه يألمه وهو يضحك وبهاللحظه مسك منطقه قلبه واتحولت ضحكته الى بكاء هستيري بينما سند بهاللحظه قرر يتدخل وقرب منه بشكل بطيء ورفع يده عشان يلمسه وباللحظه الي لمست فيها يد سند كتف سيلفا طلع من داخل سيلفا وحش
انسان اخر يكره سند كل الكره وكميه حقد بقلبه تتوزع على بلد من زودها
وبهاللحظه سيلفا بدا يصارخ وقال : ابعد عنيييي ... لا تلمسني لا تقرب مني ابدااا
سند استمر بمحاولاته انه يلمسه ونطق بحسره : سيلفا اسمعني
سيلفا ابتعد عنه وقال وهو لسا يصارخ : اتركننيي .. يدك هذي لا تحطها علي .. طلعت متزوج؟ هذا اخرك؟
سند رفع صوته حتى يتناسب مع صوت سيلفا : مو متزوج انا منفصل
سيلفا بدا يعصب اكثر ويرفع صوته اكثر وهو يقول : اسكتتتت.. اسكتتت مابي اسمع شي ... كيف كان شعورك بالله وانت مسويني غبي وما افهم وقاعد تكذب علي باليوم مليون كذبه؟ ... كنت مبسوط؟ مرتاح؟ تحس انك انجزت؟ الحق مو عليك اصلا الحق علي انا الي حبيتك واعطيتك اكثر مما انت تستحق وانت استكثرت علي بس الحقيقه
سند : خفت .. خفت اخسرك وافقدك بسبب هالشي .. خفت اذا عرفت تتركني
سيلفا ضحك بالرغم من دموعه ضحكه الم ونطق : ااااه لاني الحين ما راح اتركك راح اصفقك واقولك برافو عليك كيف قدرت تخبي عني طول هالمده .. "اخفى ابتسامته " من هاللحظه هذي انا مو موجود .. انت بطريق وانا بطريق .. واتمنى بعمري كله ما اشوفك ... انتهى
مشى سيلفا على اساس يطلع من الغرفه لكن سند لحقه ومسكه بقوه من ذراعيه الاثنين وهو يقول : لا لا .. تكفى لا .. اسوي الي تبيه بس لا تتركني
بهاللحظه سيلفا وبعد ما ناظر عيون سند واحس الصدق واللهفه فيها لكن كان حقده عليه اقوى من نظره عيونه دفه عنه بقوه وهو ينطق : قلت لك ابعددد ... لا تقرب مني ولا تحاول .. انت واحد حقييير "صار يدفه اكثر من مره " الله يلعنك .. الله يلعنك يا حقير
كل هذا وسند ساكت وما كان قادر يقول شي .. سيلفا معاه حق بكل كلمه قاعد يقولها والغلط راكب سند من راسه الى اخمص رجوله
واستمر بسكوته حتى سيلفا دفه لاخر مره وطلع من الغرفه وبسرعه نزل للشارع ووقف سياره اجرة وراح فيها لبيت جايكوب
