بارت طويل حزين لعيونكم واعتذر عن التأخير
لوف يووو 🫶🏻
-
ثُمَ سلاماً علىْ رُوحٍ ماتتْ فيِ جسدٍ حيْ
-
في مكان اخر
كان مربوط على احد الاعمدة الموجوده بالمكان يديه لورا وكان قاعد بالارض
صحي منزعج وواضح عليه اثار المخدر وهو يسمع اصوات الي حواليه لكن كان مو مركز والصوت مو واضح على مسامعه
شاف شخص يقرب منه وهو يضحك وقعد مقابله وواضح انه يتشمت لكن ليو ما كان مركز معاه كان ينطق اسم سيلفا بشكل متكرر وكانه يبي يتطمن عليه
لكن بالمقابل الشخص الي مقابله ضحك ونطق رد على ليو : سيلفا؟ لا تخاف بنخلص عليك اول بعدين نجيبه .. ولا شرايك نجيبه ونخليه شاهد على مقتلك؟ برايي احسن
هنا ليو بدا ينفعل وفتح عيونه على اوسعها ونطق بالقوه : اذا لمست شعره منه بقتلك
رد عليه بعد ما ضحك ب استهزاء: لا تتكلم كلام اكبر منك .. وركز وشوف من الي موقفه اضعف بيننا
قال واحد من الاشخاص الباقيين وهو يضحك : لا هذا قصده انه بيقتلك بعقله
انحنى الثاني بعد ما ضحك ونطق بنبره جديه لليو : هذا بسبب الي سويتوه ب اخي والسيد قتيبه .. راح ادفعكم الثمن غالي .. اول انت وبعدها يجي دور اخوك واخر شي بستفرد بذاك الضابط
ليو حاول يشد يديه بقوه عشان يتهجم عليه لكن ما قدر وكل الي قدر يسويه هو انه ينطق بصوت عالي : بقتلك لو حاولت تقرب منهم
رد عليه بعد ما ضحك : اوكى اوكى اقتلني يوم الي تبي الحين اهجد بس
ليو : قتيبه كان يستحق الموت ولو ما مات بذاك اليوم كنت انا قتلته بيدي
استفزه كلام ليو واتهجم عليه بركله ببطنه خلت ليو يصرخ من الالم بسبب جرح الطعنه الي لسا ما التأم وقاله : صدقني راح اخليك تندم قبل لا اقتلك واخليك تتمنى الموت يا كلب
ليو كان مشغول ب المه وما قدر يرد عليه بينما اثنين من الرجال الباقيين كانو واقفين مشاهدين وتعتلي وجههم نظره الشفقه
......
في مكان اخر
كان حايس يدور اخوه بكل مكان متوقع يكون موجود فيه وكل شوي تزيد حده انفاسه بينما جايكوب قاعد يراقبه وهو رايح من مكان لمكان وواضح عليه التوتر والخوف
لين نطق جايكوب بنبره الاستسلام : لا تتعب نفسك ليو مو هنا
التفت عليه سيلفا وهو يرجف ونطق برجفه صوت : الا موجود هنا .. لازم الاقيه
ضل يتلفت يمين ويسار وكان واضح على ملامحه التوتر وكان يتعرق بشكل زائد ووجهه اصفر من الخوف الي بقلبه على اخوه بينما جايكوب وقف وحاول يمسكه ويهديه مسك اكتافه وحاول يصنع تواصل بصري بينهم لكن عيون سيلفا كانت تايهة كل الي تبيه هو شوفه ليو
لكن بالرغم من عيونه الي ما كانت شايفه جايكوب الى ان اذانه كانت تسمع كلامه لما قاله : لا تخاف بجيبه لو كان تحت سابع ارض
وقف من حوسته وضياعه لما سمع هالكلمات وناظر عيون جايكوب ورفع يده ومسك فيها يد جايكوب الي ماسكه كتفه ونطق بصوت هزيل : لازم نلاقي اخونا
انصدم جايكوب من كلامه وعقد حواجبه وكان على وشك يطرح عليه اول سؤال جا فباله "انت كيف عرفت" لكن سرعان ما بدات عند سيلفا حاله من الم القلب الي جاه بشكل مفاجئ وخلاه يصرخ باعلى صوت ويمسك منطقه قلبه وينحني للامام وبهاللحظه نفسها جايكوب صنع من نفسه درع وقرب من اخوه حتى يحتضنه بينما سيلفا مستمر يتالم من قلبه لكن هالمره باحضان اخوه الثاني كان يشد بيده على منطقه قلبه وبيده الثانيه يشد على بلوزه جايكوب موضح بهالحركه كميه الالم الي فيه وهو ينطق ب انفاس متقطعه : اا..اخوك مو بخير
جايكوب حاول يستوعب الموقف ورفع يدينه وشد سيلفا بحضنه اكثر واتنهد وهو يقول : اخواني الاثنين مو بخير
.......
