يُدمى قلبي بغــيد#اكتملت

بـ٤

بعد اللي صار كان البيت ماليه الهدوء، مغاني حطت اغاني ايبادها وكأنها تهرب من اللي صار والجده خذت غيد عشان تنام فغرفتها لكن ما سكتت هنا وبس رجعت لمغاني اللي ماراح يعدي تصرفها ع خير؟

الجده : عساك مرتاحه بعد مابكيتي البنت ؟
مغاني تتنهد : يا جده اكسري الشر
الجده : ورا ما كسرتيه انتي يومها عندك جالسه !
مغاني : على فكره انا ما بديت هي تحارش من اول ما جلست ولما رديت لها الشيء ما تحملته شسويلها يعني
الجده : فيه احد يحارش بالموت ؟ وتذكرينها بوفاة ابوها ؟ ذا كلام جهال يا امي
مغاني : وحركاتها ؟
الجده : وانتي لو تنقز العرب من السطوح نقزتي - تضربها بالعصا -
مغاني : لا ما بنقز بس برد عن عمري
الجده : ردي عن عمرك بس مب على حساب جروح العالم اللي تحاول انها تتشافى سامعه
مغاني : طيب طيب - تحط سماعتها -

.............

وهنا كانت غلطة مغاني لما حطت سماعتها وكأنها ما حشمت جدتها ولا كلامها وما صدقت الجده ع الله وضربتها بالعصا مره ثانيه واجبرتها تروح لغيد تعتذرلها عن اللي قالته لأن مهما كان الموت مش وسيلة لتصفية الحسابات

( غرفة غيد / الباب يندق )

غيد : يا جده مابي اطلع خلاص بتم بروحي شوي
مغاني : انا مغاني افتحي شوي
غيد : نعم؟ جايه تكمليها علي ؟
مغاني: ممكن تفتحين ونتكلم نفس الناس ؟
غيد تفتح : نعم؟ قولي لي عندك من الباب
مغاني تتنهد : اسمعي لي قلته بخصوص عمي الله يرحمه غلط كان بيننا هوشه ولالا ما يحق لي وانا اسفه
غيد : الله لا يرحمه!
مغاني تنصدم : ..
غيد : هيه الله لا يرحمه لا تطالعيني جي وما انهرت عشانه يكون بعلمك عندي اشياء ثانيه اهم
مغاني مصدومه : ....
غيد : شيء ثاني ولا - تبكي -
مغاني : لا
غيد تقفل الباب : خلاص خلوني لحالي باقي اليوم ولا ابي اكل بنام
................

كانت مغاني ف صدمة من رد غيد اللي محد توقعه حرفيًا ولا حتى جدتها اللي ارسلتها تعتذر ظنًا منها ان غيد تحسست من كلام مغاني ومحارشها الثقيل ولكن غيد اصلا ولا كان على بالها موضوع ابوها وطاريه واستفزاز مغاني لها بوفاته بل العكس وموضوع ابوها مجرد عذر استغلته عشان تنفجر وتبكي لا اكثر

تحركت مغاني لغرفتها وقفلت على نفسها الباب ولبست السماعه وكأنها تبا تكتم كل الأصوات وتلهي نفسها عن اللي سمعته وخلا جسمها يقشعر لأن معقول بنت تدعي على ابوها بدعوة مثل هذي ووفاته ما كملت اسبوع؟

.......................

( صباح اليوم الثاني / الصالة )

الجده : انتي بعد ما داومتي ؟
مغاني : انا بروح الظهر لكن ليش غيد ما داومت بعد ؟
غيد تطلع : لا ما داومت انا بعد بروح الظهر عندك مانع؟
مغاني ترفع يدينها : لا حشى ولا لي دخل بس رد فعل طبيعي
غيد تجلس وتاكل : طيب
الجده : يا بناتي وبعدين؟ كأنكم جهال والله عيب اللي تسونه والله
غيد : ما قلت شيء ياجده بس هي ملقوفه
الجده : خلاص انتي وهي كل وحده تنثبر مكانها وتاكل انا معد فيني حيل اراكض وراهم واربي واسوي نفس قبل كل وحده تحشم عمرها ولا بيتي يتعذرها
مغاني : يالله صباح الخير - تجلس وتحط مسلسل -
غيد : مين قالك بدليه! ماتشوفيني اطالع
مغاني تخزها : كنتي على فونك بلا كذب
غيد : طيب ويعني ؟ كنت اشوف ترا
مغاني ترد مسلسل غيد : خلاص؟ عساك مرتاحه؟ يارب مافي صياح زياده؟
غيد : الحمدالله - تحط رجل على رجل -
الجده تطلع : انا بروح اجلس فالحوش ولا وحده منكم تتبعني تصافقوا هنا لين وحده فيكم تموت وتفكني
مغاني تضحك : والله حاله كل اللي فالبيت انجنوا لا والجنون يفوح
غيد : عمر المجنون ما قال عن نفسه انا مجنون
مغاني : شو تقصدين يعني؟
غيد : ماقصد شيء اكلم عمري ولا فهالبيت هالشيء ممنوع بعد
مغاني : ولي عن ويهي بس وشوفي مسلسلك وانتي ساكته