يُدمى قلبي بغــيد#اكتملت

بـ٢٨

كانت اجمل سهره للاثنين، غيد اللي ما شبعت من الحضن والتبوس ومغاني اللي كانت حاسه بالحب اللي انحرمت منه فتره طويله وما ذاقت الا عذابه
كلموا السهره لحد ماغفت غيد على حضن مغاني وناموا اثنينهم

( صباح يوم جديد / الساعه ١١ )

مغاني تقوم : شت فاتنا الدوام
غيد تصحصح : عادي اليوم بس كلاسي صح؟ بكلم اماني تسير بديل
مغاني: اشوف طلعت الواسطات والقوه الحين
غيد : اششش ولا بكتبك ابسنت ترا
مغاني : سكتنا - تلعب بشعر غيد -
غيد تكلم اماني وتوصيها : دخيل الله ها سيري عطيهم بس اوراق الكويز انا مجهزتها ربع ساعه وجمعي الاوراق وخلهم يروحون
مغاني : وانا وين كويزي ؟
غيد : بتحلينه الكلاس الجاي تتحرين بعطيك بونس منا والدرب لا تخسين
مغاني تحضنها : انا اقدر اعطيك بونس طيب
غيد : يا وصخه جب
مغاني تضحك : ليش شو قلت؟
غيد : مدري عنك
مغاني : يلا تبين؟
غيد : مغاني عندي سؤال جد
مغاني : قولي
غيد : تحسين ريما بتسكت؟
مغاني : كيف يعني ؟ تسكت عن شو ؟
غيد : مدري احس ما بتطوف سالفة انه كشفناها وانها تعرف اني احبك مدري احس انها ناويه شر
مغاني : ماتقدر ولو قالت هالكلام ما عندها دليل والكليه تدري عن وضعنا
غيد : اعرف بس اخاف تسويلنا مصيبه
مغاني : تخسي هي خلها تطلع سالمه من الشرطه اول
غيد : ليش ؟
مغاني : شو ليش ؟ ترا هي محرضه رستم عباره
غيد : بتطلع منها لكن الله يستر اتمنى تخلينا فحالنا خلاص
مغاني : غصب عليها مب برضاها
غيد : انا مابي حد يعرف الا اوس ومريم لكن غيرهم لا وفالكلاس نكمل مثل ماكان
مغاني. : حاضر
غيد : وبدون نظرات مغاني دخيلك
مغاني : ليش تضيعين ؟
غيد تضحك : هيه ومابا يلاحظون
مغاني : حاضضضضضر

الوضع فالجامعه ماكان رايق مثل ما هو عند مغاني وغيد العكس ريما جات مطنقره والشر براسها اول ما دخلت فرت الكتب تبع اوس على الارض وجلست مكانها وهنيه يات اوس وشافت المهزله

اوس : انتي هي ياخبيرة الكذب ما فيه احترام ولا سنع؟
ريما : لاتزودينها معي
اوس : الحين انتي تسوين سواد الويه وانتي اللي تتضايقين خير؟
ريما : قلتلك لاتزودينها معي
اوس : وانا اقولك احترمي نفسك ولا تفرفرين اغراض الناس ع الارض الكراسي وايد اختاري مكان وايلسي فيه ولا كرسي احلى
ريما : مب ب اسمك
اوس : طيب مب ياهل انا نفسك لاتحاتين شيلي اغراضي او خبريني وبشلهم مب تفرينهم ع الارض جي
ريما : ياحياتي جرحتك؟
اوس : للحين ماخذتك ع قد عقلك الكذاب هذا وما زودتها لكن لو بنقل ادبنا تراي حاضر تدلين الساحه اظن وهناك اوريك الجرح الصح
ريما : استغفرالله بس تستفحل - تضحك -
اوس : احشمي نفسك ومحد بيستفحل عليك
ريما : اوس لمي فمك وايلسي بالله فكينا
مريم تسحبها : خلها تولي هالمتخلفه امشي بنيلس ورا
ريما : يلا كملت المتعوس على خايب الرجاء
اوس : ياخي انتي ماتفهمين؟ اسكتي وبس
ريما : يا مريم ؟ مناسبتك العلاقه مع وحده خانتك وباعتك بفلسين
مريم : اوس مشينا نيلس يلا
ريما : ولا انتي جي بلا كرامه بس تعبدين هالاوس
اوس : تحيدين لو انك برا بس والله الطمك واحد يطيح هالضروس المعفنه لكن احمدي ربك اننا فكلاس
ريما : ليش يزعلكم كلام الحق ؟ انتي خنتيها معي وكنتي شايفه انك ملكتي الدنيا والمسكينه هذي انباعت وتمت منهاره يحليلها شوي وتموت
اوس: لاني كنت زباله نفسك يوم سويت هذيك الفعايل والحمدالله اقلها انا اعرف  اتعلم من اغلاطي وتعلمت
ريما : عاد مريوم انتبهي لا تلف على غيد ولا شيء
مريم : لا غيد انتي ولا اوس هي القبليه فلا تحاتين ماراح يصير هالشيء دامك برا حياتنا
ريما : الله وحياتكم عاد
اوس : احسن من حياة المرضى الكذابين اللي وصلوا لمرحله يقولون عندهم بنت وانهم مطلقين
ريما : هه خير ان شاءالله