يُدمى قلبي بغــيد#اكتملت

بـ١٠

( العيادة )

مغاني : ترا غلط لي صار!
مريم : كل شيء غلط لو انا اسويه بس هي تسوي اي شيء وتغلط علي وعليك وعلى الدكتوره عادي صح! وتروح تبربر بالماضي بعد عادي
مغاني : ماضي شو! مافهمت
مريم : هه يماما اوس قايله للدكتوره كل شيء عن ريما وعنا لعلمك يعني
مغاني تنصدم : نعم !!!!!!!
مريم : ايوه لا تنصدمين الحين عاد واعرفي زين ان اوس مب مظلومه ولا بعمرها اوس ما يجي من وراها الا المشاكل وانتي المفروض اللي تقولين هالكلام مب انا
مغاني : بس كيف ؟ غيد اصلا ما تكلم اوس ولا تطيقها ويالله تتحمل منها كلمه
مريم : والله عاد مدري بس الدكتوره تتبحث وراك وتسألني وسألت اوس اكيد ولا ليش بتيي تقولي
مغاني تبدأ تستوعب : لحظه لحظه يات تقولك؟ مريم شو اللي صار بالضبط ممكن تفهميني من البدايه
مريم تحكيلها : وبس عرفت ان اوس قالتلها كل شيء
مغاني تمسك راسها : اهخ يا مريييييم والله مادري شو اسوي فييييييك انا !!!
مريم تنصدم : ليش ؟ شو خصني انا الحين اوس تسوي وانا ابتلش
مغاني : اووس على لعانتها ما قالت ما قالت هذا كله كان من راس غيد
مريم : كيف يعني ! - تضيع -
مغاني : ركزي شوي معاي ترا غيد تتبحث وراي مثل ما قلتي سألتك وسوت والحاله ووصلتني لكن ماخذت اللي تبا ف قامت فبركت هالسيناريو عشان ترتاحين بالكلام وتخورينها
مريم تستوعب : ليش جي سوت!
مغاني : لان غيد ملعونة خير بعد ليش
مريم : شو بتسوين؟
مغاني : بتصرف معاها وبعرفها حدها لو ماكانت شايفتنه
مريم تتنهد : الله يستر

...................

تمت مغاني على اعصابها طول ماهي عند مريم فالعياده لكن ماكانت تقدر تترك مريم التعبانه نفسيا قبل تعب جسمها ! ف اضطرت تتم لحد ما صارت بخير ووقتها طلعت على اساس يروحون البيت لكن غيد ماكانت تعرف ان مغاني جايه من بعيد والشر في عيونها

* مغاني تركب وتصك الباب بقو *

غيد : خير خير ؟
مغاني : حرف واحد زياده والله اقلب عليك الارض كلها امشي وديني البيت
غيد : نعم ؟
مغاني تصرخ : سمعتيني غيد سمعتييني ! خلاص لاتزيدين حرف واحد ممكن توديني البيت وبس
غيد تسكت : .....

صوت منافخ مغاني من العصبيه كان واضح على انها ما قالت كلمه وحده زياده لغيد لكن غيد كانت حاسه بإن مغاني صادت شيء كبير وقوي وان الحين ما بتسلم من شرها لو شو

( البيت / مغاني تدخل وتقفل الباب )

غيد : معصبه يعني ؟ فهمنا بس قلة الاحترام هذي مالها داعي
مغاني : يا سلامممم الاحترام ماشاءالله وتسولفين فيه بقواة عين يا دكتوره يا محترمه
غيد : لاتلفين وتدورين عندك شيء قوليه كاش
مغاني : هه كاش ها ليش يا افندم تتبحثين وراي مع انك عطيتيني كلمه لا وكاذبه على مريم اللي اصلا منهاره ولا تفكر صح الحين وسحبتي منها حكاوي بالهبل
غيد : والله انا ما ضربت صاحبتك ع ايدها عشان تنطق هي قالت كل شيء
مغاني : قالت لانه كذبتي عليها وقلتي اوس قالتلك وصارحتك واوس ع لعانتها ما قالت فكيف تقوليلي ما ضربت صاحبتك وجبرتها !!!
غيد : والله عاد انقال وغير جي ترا اللي انقال ولا مهم ولا يمتني بصله كنت ابا اعرف ليش منضربه وعرفت واسمحيلي على فضولي الزايد
مغاني : مب مسموحه ولا اعذرك ولعلمك هالشيء ما بيعدي على خير لو تموتين واللي سويتيه فيني وفربيعتي بيرجع عليك اضعاف
غيد : اوله اوله ليش عاد ؟ عشان بس عرفت سبب عداوتك مع اوس وعاد ليته سبب يشرف الا هو وحده ضحكت عليكم وراحت
مغاني تصرخ : غييييييييييييييد !!! تأدبي شوييي واحترمي حدودك انا ما قلت شيء يخصك ولا بعمري تدخلت يالسه تتدخلين في اخلاقي ليش
غيد تضحك : هوب هوب شليتي البيت باللي فيه شدعوه عاد كوين اليزابيث مب ريما الحارث هه