يُدمى قلبي بغــيد#اكتملت

بـ٣٢

طلعت مغاني لغرفتها وخذت مريم تاركين وراهم غيد اللي كانت خايفه ومب عارفه تثبت انه هي ما سوت كل ها ولا حتى تكلمت ولا راحت صوب اوس او فكرت فيها فالنهايه هي واوس ماكانوا اصلاح من البدايه

( داخل الغرفه )

مريم : تحسين صح؟
مغاني : الموجود وايد وصعب يكون مفبرك وفنفس الوقت ريما زباله ممكن تسوي اي شيء حرفيا
مريم : اوس قالتلي هالمحادثات كانت مع ريما وهي غيرتهم عشان يبينون كأنه مع غيد
مغاني تتنهد : واوس مش اكثر حد ممكن نثق فيه !
مريم : ماعرف بس اللي شفته خلاني انهار مكاني والله
مغاني : تستعبطين صح؟
مريم : شو تلوميني؟
مغاني : لاتبينين لهم ابدا كان صدق اللي صار ولا كذب
مريم : والله اني تعبانه مافيني حيل امثل بعد اني مش منهاره
مغاني : فاهمه بس ولو لاتبينين هالشيء ابد
مريم : المهم شنسوي الحين؟
مغاني : لازم نتأكد منو صاحب هالاكاونت بعدها نشوف فون اوس دامها موافقه يتفتش ولو طلعت هالمحادثات ويا ريما ف خلاص عرفنا اصحابها
مريم : طيب بس ما بكلم اوس انا انتي تصرفي معها
مغاني : ما يحتاي نكلمها اطلع كل شيء وانا مكاني
مريم : كيف ؟
مغاني : اصبري وشوفي

بدت مغاني تكلم معارفها وتحاول في كل جهه لحد ما فعلا قدرت توصل لفون اوس لكن الخبر اللي ماكانوا ينتظرونه ان الداتا تقدر ترجع ل ٣ اشهر ورا بس والموضوع له اكثر من هالمده فماراح يقدرون يشيكون على صحة كلام اوس

هالشيء على انه مايدين اوس الا انه كان ضدها لأن خلا مريم ومغاني يفكرون انها قالتلهم فتشوا الفون لانها عارفه انه مستحيل يوصلون لاشياء قديمه ، الوضع صار محير اكثر واكثر ومغاني ومريم يوصلون لأعلى مراحل الشك والخوف من انه يمرون بكل شيء مره ثانيه !

غيد تدق الباب : ..
مغاني تفتح : شو غيد ؟
غيد : والله ماسويت والله - عيونها مليانه دموع -
مغاني : معليه بنعرف منو سوا كل ها ولو هو صح ولالا قريب
غيد تحاول تحضنها : زين لاتتمين بعيده عني جي كلميني
مغاني تبعد : لا غيد لازم اعرف واتأكد من ها بعدها بيرد كل شيء مكانه
غيد : بس انا ما سويت شي ءعشان تشكين فيني !
مغاني : اللي موجود غيد يعدم كل الثقه فيه صور وفويسات ومحادثات لازم اتأكد قبل
غيد : والله هذي سوالف ريما انا مستحيل اسوي جي وانا ما افكر ف اوس ترا والله ومستحيل
مغاني : طيب معناته ها اختبار لنا كلنا بنشوف وقتها انا ما اقول ها صح ولكن ماروم اتجاهله بعد لازم اتأكد
غيد : زين مش عدل لين يتعدل تخليني ؟
مغاني : خلاصص غيد ارجوك اللي صاير لاعب بنفسيتي بما فيه الكفايه لاتزيديني دخيلك
غيد : شو يعني !
مغاني : يعني لاتعذبيني بهالكلام خليني اتأكد وبعدها كل شيء بيننا بيكون تمام والله
غيد : طيب - تروح وهي تبكي -

الوضع متنشن وكل ماله يتوتر زياده ويخرب اكثر خصوص بعد محاولات غيد  ولكن مافي طرف فيهم ينلام لا مغاني ومريم اللي جربوا ها كله ولا غيد واوس اللي منحطين بموقف حدث ولا حرج