يُدمى قلبي بغــيد#اكتملت

بـ٣١

في حين ان ريما يالسه تكيد لمغاني وغيد الا ان البنات كانوا ساهين او مختارين يكونوا شاردي الذهن عن ريما وسواياها بس هذا كان اصعب شيء ممكن يصير

مرت الايام والوضع كان هادي ولا فيه اي حركه ولا حتى من ريما ، دون استفزاز ودون شيء ملفت للنظر كعادتها وهالشيء مخلي مغاني على اعصابها وطبعا قلق غيد وخوفها حدث ولا حرج!

( بعد اسبوعين / الاستراحه )

ريما تدخل : وانا اقول ريحة الاستراحه معفنه اثره الزبايل بكل انواعها موجوده
اوس : الحين انتي ماكنتي ساكته لك اسبوعين ؟ ورا م تسدين فمك زياده وتكملين الجميل
ريما : والله عاد أسده أفتحه يرجعلي
اوس : الله اكبر لا مايرجع لك اللي تقولينه نتحمله نحن يجي علينا لو ماتعرفين ف يعني لو سمحتي دوريلك مكان ثاني افتحيه فيه
ريما تتربع : ما اظن انه المكان ملك لكم والله
اوس : ياليل الياهل الا تنشب
ريما : جب جب الا انتوا شو تسون هنيه روحكم ؟ وين حبيبة القلب - تكلم مغاني -
مغاني : اظنك متجاهله فكرة انها دكتوره وعندها شغل تسويه
ريما : دكتورة الطل اللي تحب طالبتها
مغاني : ترا ما يمنعني شيء من اني اسدحك هنيه والعن خيرك ضرب ف تسنعي
ريما تضحك : يماما يماما خفت انتي حابه لك قحبه والايام بتوريك
مغاني تقوم : اقص لسانك من مكانه تسمعين ولالا

.... تمسكها اوس وتوقفها ......

اوس : ياخي لمي فمك ها اللي مايجيب الا المصايب انطمي
ريما : ما بنطم شو بتسون؟
اوس : افكها عليك والله وقتها تعرفين هي شو تسوي
مغاني : لعن الله ابو الساعه اللي عرفتك فيها
اوس : خلاص خلها تولي مشينا
مغاني : لا والله بتمشي هي هالمره
ريما : الله؟ واذا ما مشيت شو بتسوين ؟ ع اي جدار بتصيحين بالضبط؟
مغاني تفر عليها القهوه : قصدك ع اي جدار بصيحك
اوس تمسكها بقو : خلاصص خليها احنا فالجامعه ركزي
ريما تشهق : يا عمي ناس هبله انا اللي بروح خلوا المكان لكم يالزبايل
اوس : فكينا كان من الاول بدال هالبهدله كلها
ريما تطلع : بوريكم والله
اوس : تمام يلا مقفاك

طلعت ريما وهي حاطه فبالها ان تبكي مغاني على هاللي سوته معها وتردلها الحركه هذا غير ان كل تفكير ريما اصلا ف كيف تنهي مغاني وربعها !

( غيد تجي )

غيد : شو صاير؟
اوس تأشر ع القهوه : شوفة عينك ريما جات بلسانها المعفن ولعوزتنا وصار اللي صار
غيد تمسك ايد مغاني : ممكن تهدين؟ خلها تولي مش انتي دوم تقوليلي لانعطيها اللي تباه
مغاني تحضنها : ...
غيد تحضن اقوى : اهدي حبيبي منوه ريما عشان جي تلعوزك خلها
مغاني تهدا شوي : حاضر
غيد : خلصتي كلاسات؟
مغاني : باقي واحد
غيد : طيب يلا ع كلاسك وانتي ؟ - تسأل اوس -
اوس : مابحضر انا خلصت التاسك الكلاس الماضي
غيد : بتتمين هنيه ؟ لاني خلصت شغلي بعد
اوس : هيه عادي بتم معك لو تبين
مغاني تروح : انتبهيلك - تكلم غيد -
غيد : حاضر
اوس : شدعوه انا ما انتبه لي يعني ولا شو
غيد تضحك : وين مريومييي ؟ - تغايض -
اوس تضحك : جب انتي وهالدلع الخايس عندها كلاس مع مغاني لاه
غيد : اوه انتي ليش مستعيله عاد مسوتنه قبلهم؟
اوس : لا والله وهقوني هم ماحضروا وبلعت انا
غيد : نروح ناكل شيء ؟ يوعانه احس او نجيب تصبيره على ما اوصل البيت