يُدمى قلبي بغــيد#اكتملت

بـ٢٢

كان اخر كلاس هو اكثر واحد مزعج لمغاني ماكانت تبا تحضر لغيد ولا تشوفها لحد ماترجع البيت بس الوضع كان صعب الكلاس فيه كويز وماتقدر تطوفه لانه داخل بالتقييم

خذتها مريم ودخلوا الكلاس وهنا كانت نظرات الكل على وجه مغاني المنفخ اللي بينت عليه الكدمه وبدت تتلون هذا غير انه واضح نفسيا تعبانه ومنقرفه من كل شيء مهما حاولت تخبي

مريم : دكتوره هذا بحث اوس عشان هي تعبانه شوي
غيد : طيب والباقين؟
مغاني : بحثي نسيت الهارد كوبي بس رسلته ايميل خلاص
غيد : ممنوع اليوم اخر يوم للتسليم بالطريقه اللي ذكرتها فالايميل
مغاني تقوم : زين ممكن اطبعه واجيبه ؟
غيد : لا عندنا درس نشرحه مافي وقت
مغاني : المكتبه جنبنا بطلع دقايق واطلع
غيد : مايصير كان الاولى ترتبين وضعك قبل موعد التسليم
مغاني : يعني شو الحين؟
غيد : خلاص صفر بعد شو
مغاني : صفر ليش مسلمته قبل اسبوع فالايميل بس بسير اطبعه خمس دقايق !
غيد : فيه قوانين لازم تتعلمون تحترمونها مافي هاللعبان مب مدرسه نحن
مغاني : استغفرالله
غيد : عندك مشكله اطلعي بلغي للاداره ولا شوفيلك صرفه لكن لاتكثرين حكي معي عشان عندي درس

كانت مغاني تطالعها وكأنها تقول " ماله داعي كل هذا الكلام " وفعلا ماكان له داعي ولا عازه حرفيًا مغاني ماسوت غلط وممكن غيد تتساهل وتخليها تطبع لكن الموضوع ماكان يخص البحث ، الموضوع كان شخصي

طول الكلاس والكل ملاحظ ان غيد تنتهز ابسط الفرص عشان تهاوش مغاني او تتشاد معها بالكلام وهنيه مغاني كانت بس تسكت وتطوف وتحاول تطنش الكلام والحركات والاحراج لكن غيد ماكانت ناويه تعديها ع خير

غيد : ليش للحين ماخلصتي تجربتك؟
مغاني : بعده في وقت
غيد : عندنا اشياء ثانيه نكملها الكل مخلص انتي شو تسوين؟
مغاني : خلاص طيب انا بالخطوه الاخيره !
غيد : وليش م خلصتي نفس زميلاتك؟ ولا كنتي مشغوله تسولفين
مغاني : شفيه ؟ ترا تجربتي طويله مره تحتاج وقت وانا مخلصه هذي اخر خطوه خلاص الحين تطلع النتيجه
غيد تشوف التجربه : لا وبعد المقاسات وكل شيء غلط
مغاني : مش غلط نفس الارشادات
غيد : ارشادات فعينك ولا جالسه تسوين شيء ولا تتعلمين اصلا شغاله سوالف ومصخره طلعي برا الكلاس اشوف
مغاني مصدومه : .. - تطلع -
غيد : وانتوا كل وحده تخلصلي شغلها اشوف

خلص الكلاس وغيد هدت بعد ما طلعت مغاني وكل شيء رد فالكلاس طبيعي ولا كأنها صرخت وسوت شيء لمغاني واحرجتها قدام الكل .. البنات كانوا مستغربين اكثر من مغاني نفسها وانه شفيه وشو اللي صاير مخلي الدكتوره معاديه غيد لهدرجه لكن ماكان بيدهم شيء الا يسكتون

(الممر- مريم عند مغاني )

مريم : شو فيها غيد ليش جي سوت؟
مغاني مصدومه : مدري
مريم : انتوا متضاربين؟
مغاني : لا من فتره حركاتها متغيره واسلوبها مدري
مريم : بس ليش كل ها ماكان له داعي لفتت الانتباه عليكم ع فكره
مغاني : اخر همي تسوي اللي تباه
مريم : وكل كلاس بيتكرر الموال ولا شو كلميها مايصير
مغاني : يصير خير مريم المهم كيف اوس الحين ؟
مريم : استوت احسن بس الحين بسيرلها عشان بتطلع ان شاءالله
مغاني : اسير معك؟
مريم : اذا ودك يلا بس كيف عشان غيد
مغاني : خلها تولي ياعمي بعد اشيل همها بعد هذا